倉鼠BB比綿花纏住手腳{急!!!!!}

A.你可以等鼠媽媽行開左,不在鼠b身邊時,戴手套,用手幫鼠b,但一定要鼠媽不在,唔係鼠媽好易會咬你,又會覺得你攪鼠b而有機會食鼠b

唔好用其他工會去解d棉,因為鼠b身體細小,又好易受傷,用其他物品好易會整傷or整死鼠b,用手較易就力,但記緊真係要好小心

B.不過情況的確唔係咁好,就算你救左隻鼠出唻,都好易會救唔返,因為鼠鼠身體有問題,難長大既話,鼠媽媽都會選擇食左鼠b,加上鼠B已發紫,睇唻都好危險了..

C.唔知你用咩棉花呢?之前我買左隻已懷孕既鼠返唻,佢生b既時候天氣好凍,要用鼠棉,但我就冇你既情況發生,要揀一隻好d既鼠鼠專用棉會較好,唔係大隻既鼠都有機會整到
不過而家既天氣,就算開冷氣,只要個籠唔係對正風口,其實都唔洗用鼠棉,太熱鼠鼠都會唔舒服

D.另外,希望你考慮一下之後唔好繁殖鼠鼠,其實鼠鼠最好分籠,繁殖鼠鼠又會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

E.希望你既鼠冇事啦,俾一d資料你參考一下

鼠鼠生左bb之後要留意以下幾點:
1)將鼠爸分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

Use your hand to help it quickly!

小露資料
名稱:小露
品種:倉鼠小露寶
小露寶特徵:活躍,走動很快,很難捉倒牠
性格:抱起牠時好定,不會走動,絕不會咬人


最喜愛吃:什麼都糧吃
圖片參考：http://www.ctt.ne.jp/~cory/hsozai/icon/esa/food02.gif

鍾意玩咩:
圖片參考：http://rodentrus.petegg.com/material/hamsterpic/hn11.gif

備註:牠孕育了五隻健康活潑的小小露寶

圖片參考：http://hk.geocities.com/hamstermun/mun.jpg

大熱天時做乜俾棉花佢 ..?

你嘗試戴手套(隔開你陣味)幫個倉鼠BB解開D棉花.
又或者用鉗慢慢解開..