我唔知自己究竟做咩...10分!!

我一直都好驚...我知道我自己有心理病...但係又唔知點解我會咁
1:我好驚自己一個人出街 有時就算有親戚朋友係我身邊我都會覺得好驚
2:出到街個時成日都會感覺其他人用d好奇怪既眼神望住我同埋覺得d人係到講緊我
3:有時同d舊朋友出街既時候我都會唔知點解覺得好驚...好唔想出咁
4:覺得留係屋企係最好 唔洗對住其他人係最好 自己一個永遠都係最好
5:我有份好好既工(朋友介紹)但係每一次返工我都會覺得好驚 覺得會帶比其他員工麻煩
覺得其他員工其實唔係好中意我係到咁 佢地對我愈好我就覺得愈辛苦 因為唔知佢地
係咪因為我係新人先對我咁好
6:覺得自己好無用 咩都學唔識 做咩都唔成事
7:除左留係屋企同埋對住屋企人之外 我對住其他人既時候個心都會跳得好快 透氣好似好
難咁 第一時間會想返屋企 唔想再留係個個地方
8:同朋友傾電話既時候我會好唔同 好多野講 但係當一見面既時候就會緊張到咩都講唔出
就算係舊同學舊朋友都係咁
9:同人講野閎時候唔敢望住人地對眼黎講 好自然會望左其他地方 例如地下

我唔敢去睇醫生 因為我好驚同其他人面對面