婚後的物業問題, 左右做人難!

我諗你唔好理層樓係邊個先, 你最緊要知道你女友的想起先, 佢係諗住結左緍一切家庭開支係你比, 定係佢都會對個家負d金錢上的責任, 你地係結婚組織一個家, 家庭上面的所有野都係兩個人負擔, 唔係一齊買樓要計得清清楚楚,

當然你係男人如果你能力做到你都應該獨自負擔家庭開支同照顧佢, 但現在聽你講你未可以真正完全做到, 所以兩公婆一定係有共識, 依加好多夫婦都係公一份婆一份, 但一份係幾多先公平合理就真係難講, 但我可以話如果係公一份婆一份的, 女方交 水,電,煤 [2個人加埋到應該大約$1000到] 都係好合理,

但我先要講我覺得的一個原則, 如果兩個人要結婚, 一定對自己同對方有信心, 唔好表現到一結婚就預防定離婚, 咁樣對大家都會有一定影響, 再講離婚佢都可以分到你一半的身家架啦, 有冇佢個名都唔係重要, 但如果你地自己買樓因為係可以的情況下, 你都應該加埋佢名,

和你們已經要進入人生另一個皆段, 唔可以以感覺感受行先, 點都要現實少少, 你要比佢知呢件事係對你們兩個都好, 唔係只係你一個人受益, 根本170m你家人比左100m, 唔係叫比首期, 係叫做比左大半, 你只係供緊70m, 如果最盡30年, 你只係月供幾千蚊, 對你地新緍有百利而無一害, 因老實講如果金錢上剛剛好的家庭, 鬧交機會係大d,

加上你說如果你地買新樓, 都會用左一半結緍儲備, 佢都想個緍禮搞好d唔洗就住就住架, 買樓除左一d睇到開支, 仲會有一d唔覺唔覺的開支, 但你又想想, 我當你買200m樓, 比一成20m, 180m供30年成萬幾蚊, 唔多啦! 你住呢到毎個月節省7000呢, 一年可以多84000蚊, 兩公婆毎年去兩次旅行都得啦, 又可以當儲定d錢生仔, 同儲多d錢先等大家都鬆動d先再買間好d架囉

仲有如果大吉利事幾年後你地 xx, 供樓頭幾年根本供唔到d乜, 分都分唔到d乜, 如果樓價跌仲衰, 就算升, 升十個廿個呢, 你一年都供多左84000啦, 幾年成幾十個啦, 不如拎住現金仲好啦, 佢担心的根本唔係實質野, 同佢要的做法唔係對佢最有保障囉

你一定要比佢知道你地節省的錢係你地兩個人的, 唔係你自己自私, 佢都唔應該為左一d無謂的安全感而反對, 再唔係你未張結婚淨低的錢開個聯名a/c儲起, 比佢有d現金係手囉, 但你要知唔係交換條件, 只不過做得兩公婆你搵錢比佢洗都好正常姐, 當然你自己也要留下一d應急錢啦,

最緊要你同佢咁耐又話結婚喇, 佢係咪一個講道理的人先, 如果係咁就ok啦, 點計都應該入去住, 對你地兩個有好大好處, 如果唔講道理, 我又唔知佢唔講道理到咩程度, 好難教你用三言兩詞講服佢,

但你係男人有時對一d你認為啱的事, 應該有一些堅持, 因可能佢冇你睇得咁清晰, 你係應該可以教導同帶領佢, 如果唔係佢遲早一日會覺得你無用, 唔會覺得你係就佢.

但其實老實講我覺得係好似唔係好識做一家之主, 我唔係叫你做大男人, 但你好似對自己信心唔夠, 所以就算自己覺得啱的事都好易諗成自己唔啱,

自己諗過先做既野, 錯左係唔緊要的, 只要知錯同可以承擔未得囉,

比d信心啦! 大個仔啦! 結婚啦!

仲有恭喜你地!

你戈個問題都幾複雜下..
一來你又吾可以辜負左你阿媽
二來你如果俾你女朋友知道左又要佢一齊付供樓以外的雜費,,
一定吾多肯(除非佢好愛你na?)

現時ge解決辦法係..你愛吾愛你女友?
如果愛就同佢交代下黎件事..
吾係到要都後就好麻煩?!
二來就係同你a媽講..如果第日結左緍,,無理由
叫埋佢交d雜費架ma..
一係咁..睇下你a媽肯吾肯賣番層樓俾你..
如果肯就冇咩點ge..
如果吾肯咪睇下你女朋友肯吾肯一齊住..
吾係ge話..冇辦法= =

其實都冇二全其美的方法，我個人認為最重要係二者之間要坦白，建議你坦白跟你女朋友講呢件事，當然你自己先好好想清楚點樣講既方法令佢生氣程度減到最低。

另外要提你一件事，由於你依家間屋已經有你個名，就算你以後再買樓，銀行借錢比你亦要將你依家每月供緊錢計理去落去。

舉例 ；

假設你收入有 15,000元

銀行借錢比你係你收入的一半，即 15,000 / 2 = 7500

你依家供緊既樓係 4300元，因二個人名義，所以除二，即係 2150元。

7500 – 2150 = 5350元

得出黎既結果係，你仲可以問銀行借錢，而月供係 5,350元。

希望幫到你。