請問去證券行定銀行開戶好?

老實講, 彼此股票買賣方法大致上相同, 分別係在於手續費; 如果你想用銀行做買賣股票的話, 手續費真係低極有限, 反而證券行的平價收費才會吸引大部份投資者及散戶. 據我所知, 香港極大部份提供股票買賣既銀行都會收倉租, 如中銀及東亞每半年收$100, HSBC及恆生每半年收$150(可能亦有些銀行係免收倉, 但應該係比較冷門既銀行), 其實大部份銀行收既費用都差不多, 所以彼此銀行唯有以服務及落盤快捷的程度作比較, 以本人的經驗所得(全部以網上股票買賣):
1) HSBC的服務會較中銀, 東亞, 大新等的銀行較好, 網上落盤速度比中銀較快(中銀每逢大跌市或大升市時都必定log-in不到入證券戶口!!!), 但中銀免費報價既interface則較HSBC好好多, 會有最近5筆成功交易既買賣資料, 各基金或經紀佬買賣盤顯示, 以及即市圖等;
2) HSBC及恆生每次交易的佣金收費為0.25%或最低收費為$100(以較低者為先), 中銀及東亞的佣金收費則為0.25%或最低收費為$80(以較低者為先)
3) 還有, 銀行還會每次收你一些額外的費用, 如每次買股票存入時, 會每隻股票收取存入股票費用$5(最低消費$30), 另外如上面所講每半年的存倉費, 但經證券行買賣的, 大部份一律免卻以上的額外收費, 像證券行中最平佣金的致富, 最低手續費只需$38(網上買賣), 所以你可以考慮清楚, 好似我經銀行買入一些長keep的股票, 炒短線或即日鮮的股票則經證券行, 這樣會較為化算
4)電話經紀其實主要係為一些"C奶"或老人家的散戶, 又或者唔係成日睇到即市行情或用到電腦既投資者服務: 因很多C奶同老人家都唔識經網上買賣, 又或覺得電腦輸入唔夠安全同穩陣, 所以會經電話落盤; 所以經電話買賣手續費係貴D架~
希望以上資料幫到你
圖片參考：http://hk.yimg.com/i/icon/16/3.gif

兩者的分別在於，證券行不用收股票買入的存入費及存倉費，經紀佣金較銀行低。
現在雖然可以在網上做買賣，但很多人仍要透過打電話給經紀做，主要原因是經紀可以直接睇市，跟貼市場價位；相反網上買賣，只可預設價位，欠缺彈性及靈活。