如何清胎毒???

胎毒係因為媽媽在孕期時,食左好多熱毒野,又排不出來,所以積聚了在身體入面.
請看以下方法:

白蓮鬚糖水 (助產及有助清胎毒)
飲用時間: 臨盆前一個月至十五天前飲用。白蓮鬚屬平性的食物, 無論涼、熱底的人都適合食用。一星期可飲用1至2次。如要清胎毒之效, 孕婦則在懷孕後六個月飲用此糖水才具清胎毒之效, 將近臨盆時飲用效果不大。
功效:
1)固澀 ~ 白蓮鬚乃蓮花的花蕊, 性平味甘, 有固澀(即止血)、補腎,、消熱毒之效, 而雞蛋則有蛋白質, 此糖水確有助防止生產時大量流血的作用。

2)補腎 ~ 由於孕婦需要養胎, 腎氣一定有損耗, 具補腎作用的白蓮鬚能使孕婦生產時有氣力, 生產過程會較順利。
3)解胎毒 ~ 所謂胎毒, 是指孕婦身體內因常吃油炸食物而產生的「血熱」, 令嬰兒出生後易生瘡、奶癬等皮膚病。孕婦在懷孕後六個月飲用此糖水才具清胎毒之效, 將近臨盆時飲用效果不大。
材料:
白蓮鬚…………..3元
雞蛋……………..2隻
冰糖…………......適量
水………………..6至7碗
製法:
凍水放入白蓮鬚及雞蛋(連蛋殼), 煲滾後以慢火煲45分鐘, 以冰糖調味即成。
補充: 我由7個半月開始飲白蓮鬚糖水, 飲到就生為止.(每星期一至兩次)

另外仲可以飲芝麻糊糖水 (助產及滑利胎兒)
芝麻有潤腸通便、溫補的作用, 身體虛寒的孕婦, 通常都會有便秘的毛病, 胃口差, 大便雖軟, 卻無力排出, 而做成宿便。若生產時有宿便, 會阻礙直腸, 令孕婦難以將BB推出產道, 再加上孕婦腎氣哀弱, 生產更加困難。
飲用時間: 懷孕頭三個月若有作小產現象, 不宜食用。往後可一星期一次。產前一至兩天應吃一碗, 有助排清宿便。
功效:
1)補腎黑髮 ~ 由於芝麻有滑利胎兒的作用, 促令產婦更易生產。芝麻更有補腎、黑髮的作用, 嬰兒要靠母體的血液養胎。所以, 吃芝麻可令嬰兒的頭髮濃黑。由於芝麻有滑胎的作用, 懷孕三個月, 有作小產的情況不建意食用。

2)高纖 ~ 芝麻纖維高, 確有肋孕婦排便; 另外, 芝麻糊有豐富的維他命E和礦物質, 每碗(240毫升)有10克醣份

白蓮蘇加蛋

由8個月起開始, 每星期一至兩次, 白蓮蘇可在中藥房買, 跟藥房說用來清胎毒, 就會幫你依每次份量執, 每劑約$5元, 買回來後用清水沖乾淨, 加一隻雞蛋連瞉, 先煲一陣, 待雞蛋熟後, 除瞉後放回煲内繼續煲, 三碗水煲埋一碗水, 加少許片糖即可, 非常經濟有效, 如果都係唔清楚, 可向藥房查詢.

2007-09-24 12:02:06 補充：
另外, 可以食芝麻糊, 芝麻湯圓, 芝麻能有潤滑作用, 有助生產. (巿面有隻白芝麻湯圓, 我果時都係食呢隻, 因為驚黑芝麻令BB皮膚冇咁白淨), 8個幾月可以開始食嗱.

去老行家買珍珠粉食啦,一日一包,我個女而家9個月大,成身skin pink架,出世勁乾淨,無頭泥,到而家一粒倉仔都未出過,哥哥果時無食就唔同啦,咩都有呀,大人食都好架,我而家仲有食,又有定驚作用,你去問吓啦~!

2007-09-24 01:58:22 補充：
唔一定食涼嘢架,其實對身體都唔係咁好架~!

妳一定要飲清胎毒糖水, 幫我的坐月婆講現在好多bb有濕疹,因為媽咪無飲清胎毒糖水!
妳可參考以下 :-
1. 腐竹白果
2. 桑寄生蛋茶
3. 仲有唔記得(因開刀啲麻藥整到我現在記性好差!), 但妳可到藥房問,仲有一隻係[蓮咩咩蛋...]???? 對不起都係記唔到!

唔好成日搓個肚,會引發宮縮可能會早出世! 早上最好食隻蛋同飲杯奶等!
祝妳生個肥肥白白的BB!!

2007-09-24 12:07:33 補充：
係啦就是白蓮蘇加蛋,不要亂試珍珠粉,現在的珍珠都不知純不純正,而且都未聽過,你話食燕窩就話,最好都係跟噃老人家,坐月婆講! 仲有生完之後抱bb時手腕不要屈住來抱,好易有媽媽手!