瑞士自由行

去瑞士, 我自己個人建議4-9月, 因為日照長, 天氣和暖. 冬天去的話全部都白茫茫, 看多幾天就有點不想再看, 加上天氣寒冷, 體力消耗特別大, 日照短, 看風景的時間會比較少.

如果你想去巴黎或布拉格. 布拉格就唔多順路, 坐飛機都要個半鐘. 巴黎的話可以坐tgv(高速列車), 約4小時到, 但如果你只去7天的話, 我建議都係留在瑞士玩吧. 而且tgv也不便宜.

本來好想copy番以前打俾第二個的資料俾你, 因為都係大同小異, 不過依家我想個人化少少, 所以俾d簡單的建議你, 如果你係由香港飛瑞士的話, 可以考買 去蘇黎世, 由日內瓦回的機票. 因為不想走回頭路...

在瑞士多年, 我會覺得有湖的地方就美, 而往往有湖的地方都很容易到. 要再特別d, 就要去d比較遍遠的地方.

你由蘇黎世落機的話, 可以直接在當天到琉森, 第二天到瑞士首都伯恩, 兩地都是德語區的主要旅遊城巿, 一個一天好足夠, 蘇黎世就可以省了, 對第一次到瑞士的朋友可能冇咩睇....

其實先去伯恩, 後琉森都冇所謂. 你如果想上少女峰的話, 就在伯恩和琉森之間的interlaken轉上山的火車, interlaken意思是兩湖之間, 剛夾在兩個湖中間, 這段火車的景色很美, 最好是晚上到, 第二日一早上山.

然後由interlaken向南坐火車到瑞士南部, 我強烈建議去zermatt策馬特的matterhorn馬特洪峰. 你可在少女峰和馬特洪中間選一, 馬特洪峰就在三角朱古力個logo, 可以說是瑞士的landmark, 一般香港的歐洲團係唔會去的, 因為唔順路, 但我很喜歡, 而且比上少女峰平.

如果你去馬特洪峰的話, 就如上由interlaken向南走, 不然就由伯恩向西南走. 如上的話, 就坐火車去montreux, 再坐15分鐘巴士去chillon城堡(喜歡的話可走45分鐘過去) , 這是一個在日內瓦湖邊的城堡.

日內瓦湖是在法國和瑞士邊界, montreux, vevey, lausanne, geneva這些城巿都在它的湖畔. 你玩完montreux和城堡, 可以直去geneva. 最後由個度飛走...

以上的建議其實好局限於7天的時間, 我只能建議你一些最具代表性的地方. 如果要尋找更力傳統和自然的瑞士, 就要向東走. 有火車, 但就比較轉折.

希望可以幫到你, 有任何問題, 可直接留言俾我.

2007-09-27 01:44:56 補充：
忘了錢...機票大約7000左右每天住宿的話 (hostel), 300蚊 x 7 = 計你2500交通, 可以買火車證, 另外仲有上山的火車要另計= 大約2500 (估)你預食住行包晒大約15000差不多...

如果你只是去瑞士和意大利. 其實這兩個誰先誰後倒沒有什麼分別. 因羅馬和蘇黎世都是航空中心, 其本上你乘坐任何一間航空公司, 也可以把你送到這兩個國家. 但是如果你會預計自己在意大利大肆購物, 那麼當然是先瑞士而後意大利了...

2 星期時間. 意大利和瑞士已經用了約 9 - 10 天了. 你只餘下 5 - 6 天時間, 但奧地利和法國一東一西, 根本就不順路. 因此建議你兩選其一

有什麼地方一定要去 ?? 這很視乎你自己的興趣... 我覺得好既, 你可能覺得悶... 而大路的景點你又一定會去的... 但我會建議你花點時間在佛羅倫斯這個很美麗而寧靜的地方. 而瑞士的琉森和日內瓦也是不可錯過的.

請注意

衣著唔好暴露, 亦唔好周身名牌
唔好行橫街小巷
搭地鐵盡量去比較多人既一卡
唔好暴露財物, 盡量係酒店預計好一日既洗費... 唔好係外面四周搵野
小心一黨一黨D死靚仔.. 佢地"撩"你... 唔駛理, 直行當聽唔到, 但唔好走, 我地成日講笑如果女仔係歐洲冇人"撩", 就要檢討一下 (講笑)... 當然希望你冇事啦
如要問路, 老婆婆係你最好既朋友
如有吉普賽小朋友圍你, 唔駛驚, 作勢打佢, 大聲鬧佢, 甚至你真係郁佢... 引起其他人注意, 佢地就會冇咁大膽了
跟大隊... 多人既地方, 安全一d
記住... 記住... 搭火車記住要打飛 !!! 太多香港人唔做啦, 會比人罰錢的
歐洲火車普遍準時, 唔好遲到... 如果趕唔到, 馬上去賣飛 counter 改飛 !!
請善用旅行支票 或 ATM 卡, 唔駛帶太多現金係身, 又唔需要比 credit card 既海外簽賬附加費
一般 credit card 既海外簽賬附加費為 1.5 - 2 %. 即係你買100蚊野, 要比101.5 - 102 蚊的...
如想用提款卡提款, 請睇清楚你張卡背面有冇 PLUS 既 logo... 有就 ok 啦... 但如果你張係 credit card 連戶口既, 我就建議你唔好用, 因為張卡冒 master a/c 係 credit card, 你提款就變左 cash advance 而唔係提你自己戶口既錢 !! 所以請準備一張最 basic 既 ETC 卡.
如需要住酒店, 請預早幾日 book 定... 因為歐洲酒店一full, 就成日一齊 full 架啦.
預先 set 定行程, set 左最好唔改... 如果你一改, 基本上成個行程都受影響...