3級跳的技巧~備戰1月陸運會

其實玩三級跳最重要就係個節奏，
我以前練嗰時成日都係幾步助跑跳得遠過10幾20步助跑。
我自己就唔算好勁，我F4嘅時候教練話我應該跳倒12米7倒，
不過比賽嘅時候剩係跳倒12米33。

頭兩個禮拜我諗你可以練吓單腳跳，
左右都要練，睇吓邊隻跳得遠啲(唔係大力啲)，
用嗰隻腳做跳頭兩吓嗰隻腳。

跟住嗰兩個禮拜就要開練節奏。
第一步唔使跳得太高，要跳遠啲，
第二步就要承接倒第一吓嘅衝力，
千祈唔可以卸左道力佢，如果唔係就等死。
個動作就好似喺空中踩一步咁，
落地嘅時候隻腳要放喺成個人嘅前面，
腳掌向上拗(即係咪腳趾個動作調返轉)，
重心向前傾，不過唔可以壓得太低搞到起唔倒腳。
第三步又係好似第二步咁上下，不過要轉腳。
最重要就係首先練好個節奏，跟住就係空中滑步，
最後先係練助跑。
希望對你有用^^

2007-09-30 18:51:31 補充：
漏左講，一定要練好同記得助跑嘅節奏，咁樣度步先唔會出錯，比賽嘅時候搵朋友睇吓步點啱唔啱，唔啱就再做少少微調。(有教練嘅話更好，佢教你點調好啲)

主要既彈跳力就唔少得嫁喇..
三級跳腳部係要左左右/右右左咁跳...相信你已經知..
---如果你要你要令動作順暢d同跳遠d..不二法門..都係練..
要令動作順暢d既話..要多d實地練習..
同埋盡量係第二跳(三個跳步入面既第二跳)..盡量保持平衡..
因為我睇片好多奧運選手既第二個跳步都唔係好穩..
---如果要跳遠d就練彈跳..練下起跳步..
盡量唔好跳早..咁就梗係唔可以跳遲喇..
可以係賽道度步..
如果唔得就係起跳前五步睇下岩唔岩位..唔岩就即刻收步..