✔ 最佳答案
基本上係無咁理想既鞋,首先要分清楚你玩邊種活動先,例如:
一般行山:
留意鞋底有比較明顯既膠粒方格,防滑較佳是用 Vibram 做鞋底的,
鞋底有黃色 Vibram 標誌。如果銀兩夠的話,可以選擇用 Goretex 的防水面,但香港比外國熱及潮濕,所以用 Goretex 的鞋會較焗腳。最大問題係落雨既時候,水會從小腿經襪入腳,就算 Goretex 都無用,除非你著長雨褲包住腳眼位。
桶型包腳眼的行山鞋一般人以為可以防止拗柴,其實是無關係的,這個是看雜誌 "野外動向" 轉載外國研究的結論。
桶型鞋有二個好處,一是唔易甩鞋,二是鞋底厚,踏在碎石路會舒服好多,但最大鑊係重,所謂腳重一磅等如背囊重三磅,對唔係咁 fit 既人有明顯影響。
其實我行山廿幾年,有著行山鞋,但通常都係著鞋底較厚和有膠粒的普通波鞋。因為輕便及靈活,行石澗濕了也不太重。