鼠鼠長期去廁所既位濕囉...

因為鼠鼠身體好貼近地面,所以有時係會整濕自己,但都要留意鼠鼠排泄物有冇異常,因為便秘,肚瀉同濕尾症都會有呢個情況

A.便秘
分辨便泌:
1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
2)清晒個籠之後,再仔細留意佢既排泄物係咪真係少左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊
4)便秘有時會見到佢肛門附近會濕濕地咁既
5)留意會唔會有排泄物塞住左

便秘處理方法:
1)將水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)如果你既鼠鼠已經年老,而有便秘既情況,其實係可以用手輕輕力按排泄位,幫鼠鼠推D排泄物出唻,不過真係要輕力,冇把握就唔好試了
4)情況都冇改善(2日度啦),就必須睇獸醫處理,俾愛護動物協會資料你參考一下
愛護動物協會診所資料:(需入會)
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

B.肚瀉
肚瀉應該唔難分,但同便秘一樣,都會令PAT PAT濕既,但一定要分真D

肚瀉既要留意以下幾點:
1)買d止瀉藥加入水度俾佢飲
2)唔好食零食之類,蔬果更加唔可以食啦.可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
3)有第隻鼠一齊就要分籠,因為會傳染既.
4)保持個籠衛生
5)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多.
6)鼠鼠有唔舒服係會特別怕人,都唔好打擾佢咁多
7)鼠鼠既用品同籠都要用動物專用既消毒劑消毒
8)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生.
9)肚瀉不止(2,3日左右)or瀉得嚴重,就最好去睇醫生啦

C.濕尾症
濕尾症其實主要係因為壓力而做成,例如:轉換環境,去到陌生既地方,受驚,戒奶期等等.科學實驗並未搵出濕尾症既原因,只係知道壓力會令鼠鼠既腸胃受到細菌感染.
特徵及處理方法:
1)濕尾症同肚瀉係好似,排泄物都係會較軟甚至液體咁,但濕尾症就會見到鼠鼠既尾成日都濕左,嚴重d既時候會發出惡臭添!
2)鼠鼠會唔係點食野,冇咩力咁
3)濕尾症可能會引起直腸脫出同埋脫水,兩樣都好危險,所以一有濕尾症就要盡快睇醫生,唔係就好易死.
4)濕尾症會傳染,患病期間一定要將鼠鼠隔離,鼠鼠既用品同籠都要清理得好,但怕打擾到鼠鼠令鼠鼠有壓力,所以3日左右洗一次籠就可以.
如果鼠鼠死左,所有物品都要消毒晒,之後放多一星期左右先可以俾第隻鼠再用

2007-09-23 13:42:56 補充：
另外,回應你另一條問題既評價首先多謝選我做最佳,但覺得有D奇怪,我一直唔覺鼠鼠肚會有粒野凸出唻,就算會覺眼,點會以前唔覺,好似忽然生出唻咁既呢?但如果你話唔係肚,係鼠底中間位置,就會可能係發出氣味既腺位,但肚真係唔多覺會有粒野咁會唔會係有肚臍,平日唔覺,發炎先會有粒野凸出唻咁呢?想了解下,亦擔心有問題會被忽略呢,因為如果你隻鼠係之前既鼠,都養左一段時間了,應該之前有咁樣都會留意到

2007-09-23 14:34:38 補充：
係囉,之前都冇,點會忽然生肚臍...如果再睇醫生,我諗你要諗下會唔會轉睇第個,醫生既講法好似怪怪地咁...鼠醫生可參考以下我回答既知識:http://hk.knowledge.yahoo.com/question/?qid=7007082702711排泄物有d綠色可能係受驚,因為or食左綠色色素既野,出完街(睇醫生)鼠鼠可能嚇親都唔奇,醫生又係陌生人,睇既時候我估有咁下鼠鼠個肚啦(以我既鼠唻講,睇咩病獸醫都會咁下鼠鼠身體),如果咁得大力得滯,鼠鼠就仲驚最緊要都係睇返佢既便便會唔會好林or好硬,先知係咪肚瀉之類,不過的確有d唔尋常,似係林林地先會咁,但睇真d先處理會安全d

2007-09-24 04:54:23 補充：
咁既情況成日訓,就應該係因為佢唔舒服冇咩力,但就好難用成日訓去判斷佢咩事

2007-09-24 19:29:01 補充：
可能真係去完街受驚,受驚都好易誘發疾病,如果有輕瀉既,食藥唔難好既,但瀉得犀利都係要睇醫生最怕佢有粒唔知咩野,係腫瘤就麻煩,係咩地方有野凸出唻?林定硬?

2007-09-25 13:33:31 補充：
如果係膿瘡,都會有d黃色整出唻,係膿既話多數係整親之後有膿,檢查一下個籠會唔會有d咩整親佢啦,亦最好爆之前睇醫生你同佢用咩藥水搽?小心唔好亂用人既藥,因人大過鼠咁多,好易會過濃,就算自行稀釋,都好難調得好好鼠鼠飲好少水,慢慢等佢去飲啦,應該唔會唔飲既,希望你既鼠冇事啦

2007-09-26 13:47:48 補充：
皮膚病藥水搽完鼠鼠會覺得痛,一定會舔下既,一般都唔會有d咩事,唔洗太擔心但要留意,粒野唔知係咪真係可以用皮膚病既藥水,如果係腫瘤or瘡,又或有外傷傷口,就唔太好了

IT HAS SEX DESEASE
NO
GO TO SEE THE VET

圖片參考：http://hk.geocities.com/little_hamsters_hk/banner_ang07.gif


你們一定要記得以下的十大要點，才好買鼠呀 ！
1. 鼠是在白天睡覺，不會被人干擾。
2. 鼠需要在一個乾淨的籠子和新鮮的食物。
3. 鼠睡覺的時候要一個佷寧靜的環境。
4. 長期不在家要找人照顧鼠鼠。
5. 每次給鼠鼠1-2 小時籠外的活動時間，注意不要遺失我呀！
6. 給鼠鼠大一些的籠子，多一些的空間。
7. 如果有其它的寵物，要保證牠們不會傷害鼠鼠。
8. 要知道你的家人或朋友不會對鼠們的毛有敏感的反應。
9. 你們不要傷害鼠們呀！
10. 當然要有愛心啦！
圖片參考：http://hk.geocities.com/little_hamsters_hk/3117.gif

u all尿pat pat位都係濕晒