我真係覺得好辛苦

咁佢而家停止晒行動,定係又行一步退兩步先?
如果佢係進下又退下,咁妳都唔怪得佢架喇.
雖然男追女好似天公地道,但唔係個個男仔都咁有自信架嘛.
咁人地都怕醜架,易地而處,如果係妳追人,妳都唔敢做得咁白啦.
凡事留一線,日後好相見嘛.
試諗下,如果佢而家就已經力追妳咁張揚,萬一妳拒絕佢,而佢面皮又薄仲點見人呀.
唔好以為得女人先要面,男人自尊心仲強呀.
妳都係暗戀佢,佢都未必知,所以咪要慢慢試囉.
太急進又會嚇親妳喎,佢約妳同寫mail畀妳既背後可能都付出左好大勇氣架.
所以妳畀d時間佢啦.
我覺得佢已經有所行動,證明佢一定對妳有興趣既,呢d都冇得呃人架喇.
所以妳應該開心至係,仲話咩辛苦呢.
如果想迫佢開口,同埋令自己冇咁辛苦,咁掉番轉頭妳行多幾步囉.
如果妳冇咩反應畀到佢,佢都唔知妳鍾唔鍾意佢,自然會卻步啦.
佢就唔好意思再約妳架喇,所以妳要係佢放棄之前,都表達妳既心意畀佢.
佢約妳或者咩都好,妳都要令佢知道妳好樂意既,咁佢明白妳唔抗拒,就自然放心同妳交往落去啦.
唔使直接問佢,佢畀咩行動出黎,妳都可以畀番咩行動佢,佢今次約妳,妳下次約佢囉.
我諗呢d野大家都心照架喇,妳一定要合作,同佢發展係大家都要行動架.
妳已經冇咩好唔開心啦,因為而家都唔係妳一廂情願,而係顯示你地有機會,所以妳一定要捉實今次個機會.

有時男仔就係甘 `
祝你快d同佢開花結果啦..