倉鼠唔知咩事/.\

2007-09-23 1:27 pm

✔ 最佳答案

如果你所講既佢唔去食野飲水,唔係只係見住佢時唔食唔飲,係一整日肯定佢係冇食冇飲既,,就可以係年老or唔舒服

A.一般養左一年既鼠,就已經開始老,而老到會有你講既情況,就要睇返你養既係咩品種先知,一般熊仔鼠3歲,其他細隻品種既1.5-2歲先會有老到咁既

B.如果唔係以上所講既情況,就,要留意返佢唔舒服定係佢訓緊時你見到佢所以見佢咁累

因為鼠鼠係夜間活動日頭訓覺,如果你既作息時間同佢相反,就好易只會見到佢訓同好累咁,就算你半夜成日起身,都未必會遇到佢既活動時間.

天氣特別熱同特別凍,都會令鼠鼠訓得多,如果佢冇減少佢既食量都唔洗擔心,如果只係訓而冇咩點食野,就可能有唔舒服啦

你可以放一定數量既食物,同埋滿晒水樽既水俾鼠鼠,咁就可以肯定到鼠鼠有冇食同飲了

如果鼠鼠真係似唔舒服,又冇食冇飲,就要留意鼠鼠既身體同排泄物有冇異常,再睇下鼠鼠有咩問題
只係你講既情況,好難去判斷鼠鼠有咩問題,因為好多病都會令鼠鼠冇咩力同唔食野,所以最好加以觀察,真係擔心既可以帶俾獸醫檢查一下

俾愛護動物協會資料你參考一下:
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

唔會去睇又或未咁快去到既,可以做以下既野先:
1)有第隻鼠既話要分籠,如果鼠鼠有唔舒服,可能會傳染俾第隻鼠(鼠鼠本身係獨居動物,冇事都係分籠會對鼠鼠好d)
2)保持周圍既環境衛生
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.
6)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)
7)多加留意鼠鼠飲食情況,同埋鼠鼠身體及排泄物有冇異常

參考: 十多年養鼠經驗,原創文字,請勿參考轉載,謝!

👍 0 👎 0