養魚係咪一定要有海草或氧氣bom??

有好多點要澄清：
１．香港養海草o既人就算有都極極極極少，我地種o既係淡水o既水草。
２．水草會做光合作用，產生氧氣俾魚呼吸，但光合作用有條件：

光要夠強
二氧化碳濃度
而所有生物細胞都會進行呼吸作用，即吸氧氣，呼二氧化碳，同魚搶過。要做到有多餘氧氣俾其他生物呼吸，以上兩個因素都足夠強／多，咁就要強光同額外二氧化碳供應，即係要器材，換句話講，皮費貴過你買個氣泵加埋電費啦。
３．想唔用器材，可以考慮設一個天然水草缸（natural planted tank），可以直接用陽光（放窗邊），唔買 co2 樽。可以去 http://blog.sina.com.tw/paludarium/ 睇下呢位高人分享經驗。
４．種草唔會「餵」架喎，都冇口
圖片參考：http://hk.yimg.com/i/icon/16/10.gif
。基本上有基肥同定時施肥，加上光同 co2 足夠，水唔太熱，冇魚咬佢就ｏｋ。魚就一日一次都得，因為食得多痾得多，水質會差ｄ；而其實兩三日一次魚都唔會有事。
另外樓上都有ｄ論點要澄清：
「用bom ge話會吸住D海草」－我諗佢係講緊潛水泵，但你應該係講氣泵；缸外氣泵何來吸力吸住草？
「海草就最少要幾日換一次，因為個魚ge邊會有一D綠色ge野」－如果草唔係種o係泥，就咁連埋買返o黎個膠籃入魚缸，咁就真係等佢枯啦；種草要用泥／砂粒。玻璃綠色o既係青苔，同草冇關，可以換水時用膠間尺／信用咭刮走。
「過濾氣最好用品質比較好(否刖要每日換水)」－過濾器要流量足夠，個缸當有一升水，流量就要每小時六升以上；濾材主要係生物環。得個膠框同一片薄棉o個ｄ一定唔得，與其日日換水不如買過個。
「如果你養一條唔用果兩樣野就冇問題」－氣泵係基本器材，除非你養鬥魚等能夠直接吸氧氣o既迷鰓魚類，或者用出水打落水面o既頂／掛濾（水會溶到氧氣入去）

2007-09-23 12:55:55 補充：
見到新論點，再有補充，大家討論討論：１．《用．．．氧氣泵．．．一定要有二氧化碳．．．如果唔係會變純氧》：水族用幾十蚊一個o既，係「氣泵」。如果你有拆開過，只係一個摩打擠壓一個膠氣鼓，將「空氣」經氣喉打出。溶入水o既有氧氣，但永遠唔會係「純氧」，因為你打入出o既唔係一個鐵樽咁買o既純氧。種草要加 co2，因為水中o既 co2 濃度對生得快o既草來說太低，光合作用唔夠原料做得唔夠快，佢地會生長不良。加 co2 唔係為左魚（咩動物會吸 co2）；要佢吸o既唔係純氧，打空氣入出得啦（因為當中有八成係氮氣）。

2007-09-23 13:10:21 補充：
２．《想用〔氣泵〕，就一定要每五日檢查一次》：廿年前我老豆養魚，到家陣我養，氣泵都係由得佢長開o既，唔明五日檢查一次有乜作用，當然，要檢查o既得只係有冇氣出。３．《用時間掣去控制〔氣泵〕操作的時間》：一般種草都係控 co2 出氣時間，同燈同步，因為有氣冇光，光合作用唔會發生，咁 co2 濃度太高會死魚。氣泵o係草缸相對可有可無，因為日間（有光時）產生o既氧氣，足夠夜間魚同草用，但當然要夠多草、光合作用夠強。我個三十寸缸草佔泥面超過一半面積，約一百條魚，唔駛用泵。

唔係要e兩樣野。

養魚一定要氧氣bom, 海草就可以不用. (有一些魚是不用氧氣bom, 名字叫betta.)

一天兩次.

1. 如果你沒有海草或氧氣泵，佢地就一定會死。
2. 如果你想要海草，光要夠強，可以放在窗邊或用太陽燈(自己的淡水缸用緊太陽燈，不過用好多電)、二氧化碳夠多；如果你想用氧氣泵，就一定要每五日檢查一次(好麻煩)。
3. 一日餵一次。但如果你要出外旅行(例子)，最少要三日餵一次。你的魚如果游得幾快，可以用活生生的豐年蝦，如果唔夠快，就餵下紅蟲(不過最好用冰鮮，用活生生的話，佢地食唔哂就變蚊，到時你自己去餵蚊)

水只要清就唔使話一定要二星期換水，我自己個缸己經差唔多一年無換過水，如果你想清青苔，你可以買一些專食青苔的魚(例如：飛孤)，不過一定要有濾水器，如果唔係就換水。

2007-09-23 10:25:02 補充：
濾水器入面主要有活性炭、高濾度的綿、生物環等等的物品。青苔除了用魚，仲可以用刀片刮走，市面上有些棒可以裝刀片是用來刮走青苔。有青苔唔一定要換水，因為每次餵完野，第二日就會有青苔，是很難避免的。泵方面，你可以用氣泵或者水底氧氣泵，如果你用海草，就一定要鋪泥或者砂粒，那麼你就在泥下面加水底氧氣泵，不但不會吸住海草，仲可以加氧氣，不過一定要有二氧化碳，如果唔係會變純氧，到時你的魚就會死。(你可以用時間掣去控制氧氣泵操作的時間)總之你一養魚，就要有氧氣泵或海草，否則你的魚會死翹翹的。

可以唔洗嫁給!!!but要二日換一次水,如果一日換一次水,D魚會習慣,有d魚因為唔習慣so死左- -仲有你可以一日餵佢(地)1~2次,我個人認為仲好一日餵1次好la!!!我怕佢(地)eat得太飽死左!!!!!!! 希望可以help到你~^^~

2007-09-22 23:27:47 補充：
可以唔洗嫁!!!but要二日換一次水,如果一日換一次水,D魚會習慣,有d魚因為唔習慣so死左- -仲有你可以一日餵佢(地)1~2次,我個人認為仲好一日餵1次好la!!!我怕佢(地)eat得太飽死左!!!!!!! 希望可以help到你~^^~

如果你養一條唔用果兩樣野就冇問題
但係如果你養好多條就一定要~_~
如果唔係你會見到佢地一條一條咁死= =

早晚餵佢地一次啦

1.唔洗海草,但要氧氣bom
有氧氣bom就唔會死
2.睇你養咩魚,有D一日2次,有D一日1次
3.過濾氣最好用品質比較好(否刖要每日換水)
4如果用品質好的過濾氣就最少一星期換一次水
P.S.請選我做最佳

你可以2樣都唔洗...
不過就要日日換水
以下只是我個人經驗""
用bom ge話會吸住D海草...
同海草就最少要幾日換一次,,,
因為個魚ge邊會有一D綠色ge野...
你要日日都畏佢,,,最好就早同晚...
=]

唔洗!你有氧氣bom就得~一日餵2次