我地第一次係去食飯..睇戲,佢知我鐘意食甜品會同我去佢認為好地方!
之後一齊打波, 佢知我朋友鍾意左佢, 我有同佢提過, 佢好介意問我係咪想推佢比我朋友?
我為左咁唔理佢, 兩日後佢忍唔住搵我say sorry! 我地又照舊! 佢日日send 成十個sms比我, 轉埋我個台, 好開心話我知同台sms我唔駛錢, 又申請埋手機msn, 搭車都同我傾,
有次我同佢講曾經都有個男仔咁樣sms我, 不過最後不了了之, 佢好介意, 唔想我覺得佢似果個男仔, 佢send小左比我, 一日一兩個...
我地第二次單獨食飯, 佢同我講想我重陽請假可以一齊去taiwan玩, 又話想秋天一齊去ocean peak, 因為我未去過, 佢想第一個同我去!
天氣涼佢一早會sms我叫我著外套!
更新1:
我有問過佢有冇小小鍾意我?如果冇我會走.... 佢冇直接答, 只係講對唔住, 要我等佢... 佢都係想自己一個, 佢可能未忘記到ex啦, 佢覺得佢唔適合我! 之後我地一星期冇聯絡, 只係msn見到閒話兩句! 原本佢幫我book場打波, 我都唔駛, 搵左另一個朋友, 亦都告訴左佢..佢只係"哦"左一聲,
更新2:
早兩日佢又如事者sms番我, 當咩事冇發生過, 報告我知佢一排番夜班今日轉番早, 叫我著外套涼左! 我真係遠離左佢.. 我自問離開唔係因為佢唔接受我, 而係唔想佢夾係我同ex多年回憶中痛苦, 我離開日子一d都唔好過, 只係想到佢可以好過d, 咩都值得! 佢唔愛我嗎? 又好似唔係! 愛我..佢又唔肯答... 佢心裡面冇我就唔會一次兩次搵番我, 係咪佢都唔知自己想點?佢做咩又要番轉頭? 我重要咩?
更新3:
我仲可以點做? 佢又想我點? 佢想我繼續曖昧關係同佢做朋友? 寧願漠視我痛苦! 還是佢明白到曖昧比而家斷絕來往佢會開心d?
