有關有線寬頻既問題

1) 如果您有sign contract，咁就幫您唔到
2) 有線一直都係吸納新客，榨乾舊客，您個case非常普遍

至於有關投訴/停用佢地，
可以試下以下幾個方法：

1) 直接踩上去Cable申請終止服務
(有專人serve您，最快搞掂哂d手續，佢地冇藉口話收唔到張form)

2) send email 去 [email protected] 或者 [email protected] 投訴

3) 搵區議員幫手(佢地呢排要競選，應該好樂意為您服務，爭取選票)

4) 打 tel: 1832 935，
呢條line係有線俾政府直接refer d case過去，
所以一定有人聽

5) 寫信俾cable, 副本寄給電訊管理局 (擺到明大佢)

P.S. 大前提是如果您已經白紙黑字sign左contract，咁就真係幫您唔到

我以前係116錢 我都好慘~~用左幾年~~個個月唔同架錢 一時140 幾個月後又2百6 而家又160 唔知佢想點 我到其 我問佢幾錢 不同時段,不同優惠 好火

小龍的答案值得參考，如你已同意139，他們有錄音的，你好難話唔用，但你試下再同佢地講價啦，但我可告訴你成功機會不大；或你想想佢喺電話度sell你時的對話，你當時係表現到對個價無咩意見，好隋便就接受，定係好執著要個價係當時最平嘅先用？如果係後者，而當時（一定係同時間）出面真係平過１３９，（最好搵到有人同時簽左張約平過你），你試下問下電訊管理局，試下捉住一點：『係當時最平，你先應承續約，結果發現唔係，張約唔應該生效』，張『最平你先應承續約』成為一個續約的附帶條件。但他們有錄音，你要想清楚你們的對話，你試下得唔得。
呢一間真係非一般的公司，做生意的手段真是令人難以置信，你試下再keep住同佢地交涉，你會有發現，你再同佢交涉命都短幾年，或會想：’點解佢地噤做法都可以生存，莫非香港真係無皇法嘅？真係比佢為所慾為，政府無一個機構可以管倒佢？’我是過來人，用佢的期間同佢聯絡，並非對佢有有什麼要求（例如什麼要求減價，送野...)，只是好正常的聯絡（例如過多左錢、用唔倒、約師傅修理、通知唔續約．．．）都要花好多時間同好傷神，我有一大堆佢地令人難以置信的做法及說話，我要在這裡打出來的話會很長編，總之可以告訴你佢地嘅做法令人難以置信的地步去到你直頭覺得係一大堆笑料，有次我同一個朋友講起有線啲事，在場的人一聽到我講，即刻有好多共嗚，而且佢地仲好激動，已經完左合約的人都好像猶有餘悸，陰影永不磨滅噤，我果時先知原好多人中左招。你試下喺yahoo知識度search有線兩個字，會搵倒好多共鳴。
如果你真係要繼續用，約滿如果唔想再續約時，你記得佢地最少要一個月前通知佢，仲要一定要填佢提供的表格，張表好難攞架，攞倒要好好珍惜呀，你最好早三個月前開始打電話攞表，到手果時可能得返兩個月，你傳真或寄出（自己要留份影印本）後，等到佢肯同你講話收倒時，可能已過了一個月的通知期，你已中招了！如果成功完contract，你要於十四日內還機（佢唔會提你），還完後你咪開心住，如你用自動轉賬就要留意以後佢有無突然過你數，整個過程你會經歷很多糾纏，跟緊啲呀。如能成功脫險，第一件事要去還神呀。