九龍Band1頭英中,,10點喲!!

嘩！咁你都好勁喎……（佩服）

其實九龍都有好多個唔同既地區嫁，

首先係要搞清楚你係邊一區先～

因為如果地方遠既話返學就會好唔方便（不過如果你話你唔介意既咁就唔同講法啦）

咁不如我俾著九龍每一區裡面算係配得上你既中學啦

油尖旺區

拔萃女書院 － 係全個ｈｋ入面最勁、最出名既女校黎嫁喇，而且有附屬小學，好難入～雖然你既成績係好好，但係我認為綜合各方面黎講你試都係太冒險（除非你係拔萃女小學既學生？）

嘉諾撒聖瑪利書院 － 女校，都係一間好ｔｏｐ既學校，拍得住女拔萃嫁！只不過以名氣黎講同女拔仲差好遠，但係即使係咁佢真係唔差得過女拔～都係有附屬小學既，仲多一間聯繫小學添！所以都係好難入，如果你係St. Mary小學既學生就會易入好多！

真光女書院 － 聽個名就知係女校，依間都唔錯，都好出名，我覺得都幾岩你囉！但係唔夠女拔萃同St. Mary咁好同咁出名嫁！

註：女拔萃係直資學校，要交學費ｇａ～

黃大仙區

德望學校 － 女校，係好好既學校，係黃大仙好出名．．好多女仔既心水學校黎嫁

德愛中學 － 女校，係德望學校既姊妹學校～雖然同德望一樣好好，但係就差過德望好多～聽人講自從德愛換左個校長之後佢就狂谷ｄ學生，想要同德望有得fight咁話喎……所以未來應該會有好大既進步（但係始終俾個衰校長逼著死讀書都係唔好啦）

聖文德書院 － 男女校，總之……就係好好啦！但係我之前有個如學成績唔錯，但係都入唔到～

深水埗區

寶血會上智英文書院 － 好好既學校，爭崩頭，入ｕ率有成９７％嫁！而且校服靚到不得了，記得有次上網見到有投票問邊間學校既校服最靚，個個都話寶血會上智～

聖母玫瑰書院 － 好多人爭，所以唔駛講都知道係好啦！我有個同學成績好好（年年考第一），上年佢升中學，都揀左依間聖母玫瑰，不過佢最後係入左St. Mary～

九龍城區

瑪利諾修院學校（中學部） － 好ｔｏｐ既女校黎嫁，同皇仁、女拔有得fight！不過都係有附屬小學既，都幾難入～但係如果你真係想讀既都建議你試下，因為其實佢收自己附屬小學既學生都係收大約９０％嫁詐！

何明華會督銀禧中學 － 男女校，ｂａｎｄ１頭黎嫁！但係唔好同ｋｔ區果間何明華會督中學撈亂左呀，果間只係ｂａｎｄ３黎嫁詐！

觀塘區

藍田聖保祿中學（我讀依間） － 唔係賣花讚花香，但係我地學校真係好勁、好好！唔係我都唔讀啦！藍田St. Paul出名ｄ人英文好，而且收返黎既Form1係１００％ｂａｎｄ１組別嫁～我地既學生係好注重朗誦既，每年都會舉辦班際朗誦比賽，而且校際朗誦節果時幾乎個個都話要參加～Form1至Form7都要讀英語文學，又會增加不少文藝氣息～

聖傑靈女子中學 － 都係觀塘區入面既好學校，同我地學校合稱為「觀塘區兩大女校」，但係都係差St. Paul好多囉！因為佢無論係會考合格率定係入ｕ率都俾St. Paul遠遠拋離晒……你上中學概覽就會知嫁啦～不過St. Cath係好注重課外活動嫁，學校俾好多空間學生去參加唔同既活動，又有健康教育喎！聽講接受過健康教育既人係會比其他人學習能力高ｄ嫁～學野快ｄ又會學多ｄ～

至於觀塘區其他中學，例如觀官中、順天同梁式芝等，我都認為你成績太好依幾間襯唔起你～

西貢區

迦密主恩中學 － 男女校，我覺得佢係同藍田St. Paul既程度差唔多到啦！好好嫁！

係到講句唔好意思先，因為搵左好多都係女校出黎，可能你唔鍾意讀女校加嘛！

至於你問既統一派位……首先佢唔係攪珠而係電腦抽籤嫁～
你可以去http://www.edb.gov.hk/index.aspx?langno=2&nodeID=1565到參考一下……

但係我就唔建議你全部揀晒ｂａｎｄ１囉！因為好既學校就會多人想入，多人想入就會多人揀，所以通常統一派位果陣係第一志願就已經俾人掃晒ｄ位嫁喇～如果全部揀晒既反而就有可能會將３０幾個學位都浪費晒，到時空歡喜一場！

你係6b,楊潔x????????

你自誇你有時2,3名唔好扮野

2008-05-22 19:47:34 補充：
6b潔翎楊

有d都唔太ok,band1尾/中

協恩中學
鄧萃雯，佘詩曼，鋼琴家李嘉齡等名人的母校。連續23年獲學界體育最高榮譽獎中銀香港紫荊盃。
協恩中學位於香港九龍馬頭圍農圃道1號，1936年創校，是香港聖公會轄下一家知名的英文津貼女子中學。

協恩中學的歷史可追溯至1886年，英國傳道會創辦女子漢文學校—飛利女校。該校設於般咸道，創校目的是為華人基督徒的女兒們教授基本知識。其後曾跟聖士提反女子中學一同遷往巴丙頓道同一校舍，但兩校依然獨立運作。而聖士提反女子中學於1924年遷往列提頓道後，飛利女校於五年後增建東翼校舍，並開設中學部。

1936年，奉教育司及聖公會教區之命，飛利女校與另一間聖公會女校：維多利亞女校暨孤兒院（同樣創立於1886年，位於九龍城農圃道）合併創立新校，除解決兩校發展空間不足的問題外，並藉此見證上帝恩典。

1936年10月23日，正當飛利和維多利亞兩校在慶祝各自的金禧校慶之際，時任香港總督郝德傑為位於農圃道的新校主持奠基禮。校舍於翌年5月18日落成，由何明華會督主持獻校禮；並於翌日正式上課。新學校取名為「協恩」—取「兩校協作以見證神恩」之意；而校訓更加說明了校名當中的意義：「協力藉恩，信主愛群」。

協恩中學原本為女子中文中學，然而現在已成為了香港114間英文授課中學（即EMI學校）其中之一。