我好掛住一個女仔

其實你掉轉番黎諗,咁都係件好事呀.
好地地一個男人,做咩要做人第三者咁折墮喎.
你又唔係正印,同佢一齊都唔會開心啦.
兩個人要做埋晒d偷雞摸狗既野,真係唔玩罷就.
其實網上識番黎既女仔,佢可能都同一時間識埋好多其他網友架啦.
你究竟係第三者定第四者,第五者,都冇人知呀.
又唔係由細玩到大,真係好多野都唔知頭唔知路,懵下懵下架.
可能你只係畀佢當士啤,佢仲有大把後備,換極都有呀.
我知你鍾意佢呀,但係兩個人一齊都唔開心,幾鍾意都等如零啦.
唔同我好鍾意食糖,但條件就係要我切條舌頭出黎,咁我邊制呀.
同樣道理,你鍾意佢,都係覺得同佢一齊開心嘛,但如果結果相反係痛苦既,咁就好無謂啦.
放棄都係唔開心,但長痛不如短痛嘛.
有時有d野,都唔到你話唔放棄架喇,感情呢家野都唔係你一個人控制晒架啦.
你要知道,你唔係同自己拍拖呀,對方say no就no架喇,感情雙向架嘛.
況且,你地都經歷左咁多離合,足以證明呢段情唔係無堅不摧架,情若無花不結果,既然都冇果,點淋水都徒氣啦.
同埋,而家唔係一般感情問題,佢係有男朋友架.
我覺得做人唔可以咁自私囉,佢男朋友都會唔開心架.
你又唔開心,咁既局面都係三輸,而且女方都開到聲話要KO你,咁你咪拎少少紳士風度出黎,自動退出囉.
唔咁樣可以點樣喎 ,你都冇得揀,難道要喊苦喊忽,死纏爛打咩,真係貪好睇咩.
真係趁而家早日甩身好,唔係糾纏左十年先話分手就仲後悔,
好似賭錢咁要適可而止呀,感情係一件事,但對方對你都冇情,你不如理性d啦.
反正,長遠睇,你地都冇將來,一路得個拖字,真係冇咩意思.
身位男人,唔好好似d女仔咁優柔寡斷啦,一定要決絕d呀,女人如衣服呀.
佢唔搵你,你唔搵佢,呢個係畀你解脫既好機會,過左呢關成件事就解決晒,
雨後會天晴呀,你再堅持都只係死撐,不如計劃將來啦,而家點死頂都頂唔到幾架咋,
個女仔根本都係玩你囉,呢d咁水性楊花既人,送畀人都唔要呀.
醒下啦,要大眼識人呀,失戀之嘛,其實塞翁失馬,焉知非福呢,而家你係被蒙蔽左咋.
加油,一定要堅強,要振作,遲d你一定會為今日決定而慶幸.

唔好唔開心啦 搵個第2個啦!!十卜你

長痛不如短痛嘛

Love other la!

瀟洒d 唔該!!!
佢跟本唔愛你, 你明嗎??