Dolby

Dolby Pro Logic通常會喺AV amp先見到,DVD機應該只會見到Dolby Digital.
Dolby Pro Logic係比較舊的聲音編碼方式,只係靠兩聲道加加減減出環繞聲效果,以前LD年代最常用,而家DVD幾乎起碼用Dolby Digital,即係Dolby 5.1.較差既DVD碟多數就係環繞聲都費事做,就咁得Dolby Stereo.
DVD機邊樣規格有價值好視乎你有乜配套.
如果你淨係得一部舊式顯像管電視或者兩聲道Hi Fi系統,咁嗰啲Dolby乜乜都唔關你事.要出環繞聲要有一部有這些解碼的Av amp同一套環繞聲喇叭.聲音數碼輸出方面,就算好平既DVD機都好齊,如果連Dolby Digital同DTS都冇既就唔好買.
如果你用舊式Av amp冇呢類解碼但有外部輸入的,就要搵有內置解碼的DVD機,佢會有六條線俾你連接Av amp分別控制六隻喇叭.
視像方面,480P輸出係最基本,如果都冇部機都唔慌好.如果你係用舊式顯像管電視.選一部視頻解碼比較高的DVD機對畫面有明顯作用,最基本係12bit, 108Hz,低過唔好買,有影像調較功能的更好,一啲平價機佢或者設定唔係幾標準,例如強制設定亮度為0 IRE而非標準的7.5 IRE雖然黑位較實但明顯比較黐底.
如果你係用支援較高解像度輸入的薄屏電視就要留意DVD機是否有合適的增線功能去配合.有冇HDMI輸出去配合你的電視.
最後係考慮讀碟的種類,視乎你需要睇下支唔支援Mp3, Jpeg, DVD audio, SACD等格式.