股票問題...(有玩開新股朋友請幫幫手)

HSBC的明智理財戶口
- $10000開戶
- 有齊綜合理財戶口的功能, 包括儲蓄, 支票, 股票, 外幣, 黃金等
- 請留意每月的理財總值不可少於$10000, 不然要每月扣手續費, 好似$20一個月

恒生銀行綜合理財戶口,可以包括股票,基金,支票,儲蓄,信用咭,按揭同強積金戶口,開戶唔需要五萬元,幾多錢都開得
只不過不足五萬元會扣你手續費幾十元一個月,
買賣股票都賺番啦

中銀唔需要先存錢入綜合戶口, 都可以開股票戶口

但其實如果你要開股票戶口, 喺證券行開會比較好
因為一般喺證券行開戶, 都唔需要你入錢落個戶口; 只要你開始做買賣先過錢都得, 又冇金錢下限.. 開戶流程方便快捷
亦唔會因為你太耐冇用過個股票戶口做買賣, 將你嘅股票戶口取消 (銀行會取消)
加上買賣收費一般都比銀行平, 而最大分別就係證券行唔需要畀倉租費用
(因為你喺銀行買股票, 銀行會幫你持有你所買入嘅股票, 只要你持有一定數量股票, 就會接股數收倉租...)

以前, 去銀行開股票戶口, 可能最大嘅原因都係有保障, 唔會倒閉
(因為以前有部分證券行經營不善, 要倒閉而令投資者血本無歸..而銀行倒閉則有10萬)
但現時金管局會喺我哋做買賣時收commission, 作一個撥備; 當有證券行倒閉, 只要你個戶口唔係"孖展戶口", 就會發放呢筆錢畀倒閉咗嘅證券行客戶.. 最多15 - 25萬不等(根據你月結單上股票價值同結餘)

另外, 喺抽新股熱潮入面, 抽倒新股又唔想投放太多流動資金喺抽新股上, 可以借孖展抽新股, 詳細可以請教經紀
e.g. 恆鼎招股價$6.83, 1000股一手, 抽3萬股穩中一手.. 如果你放3萬股嘅錢, 就要凍結$6.83 x 30,000 = $204,900
但如果你做孖展(一般有九成), 就可以以一成嘅資金(即$20,490+各行手續費)抽十成!!
當然, 做孖展要畀息, 但都唔會好貴.. 都係嗰句, 詳情問經紀

(p.s. 抽新股除外, 本人唔贊成新手用孖展買股票, 因為要承擔頗大風險..)

我建議你用交通銀行.去交通開股票戶口,會同時開一個普通儲蓄戶口,當你要用股票戶口投資,你先要把錢從儲蓄戶口過到股票戶口,這程序可以用電話或上互聯網做好,very方便.而且兩個戶口無指定要放幾多錢,幾百都得.買賣股票的手續費好平.開票就$20一張.

你可以試下中國銀行, 我前個月才開了股票戶口, 都唔洗要先放咁多錢架...try try