買新碟(古巨基,何韻詩,張敬軒,楊千嬅,李克勤,劉德華,關心妍,王力宏)

我會建議你買何韻詩-----What Really Matters or 張敬軒-----酷愛
冇一定唔好買0既..但我比較咁多隻比較唔想買楊千嬅-----Meridian
　　其實咁多隻碟都好有質素0既...好似古巨基0既概念大碟moments唔錯..
但厭佢過於濫情同埋不夠創新,而李克勤0既 my cup of tea
我覺得佢呢幾年d歌太相似,雖然碟可以選伴奏樂器,可惜歌曲沒有驚喜...
而劉德華0既一隻牛的異想世界歌曲有新意0既,但可惜沒有一種一聽就愛上0既感覺...
關心妍0既lost&found,講真,佢上一隻碟比較有質素,呢一首好似又邁向商業化,加上佢唱0既悲慘情歌已經冇以前果d咁hit...
王力宏0既改變自己,冇聽過所以唔適合比任何評語。
　　講返最唔想買果隻先,今次楊千嬅轉jo新公司,可惜所揀0既歌好似唔多岩佢,
以前佢比人感覺係好烈女,柔中帶剛0既性格,但今次太過"化"啦,化到好似升仙咁...
唔係好接受到,係新歌幾首入面,首首都沒有驚喜,像普通情歌一般...
不得不提係佢某一首歌的MV...長直髮披面那一刻,我真的被她嚇倒~.~ ... 影象配合不呢... 雖然佢呢隻係大碟,而且都好比心機做,但係真係平平 ...
　　&&最應買0既何韻詩同張敬軒
首先講張敬軒先,我覺得佢今次隻新碟,幾首歌都好有質素,
有大路情歌我的天,有冠軍作品酷愛,又有不同風格0既作品迷失表參道,
睇得出唔同風格0既歌都有嘗試,唔係翻老本,而且表達歌曲亦有進步,認真唔錯呢!!''
而何韻詩,我講明先,雖然我係佢fans,但係我唔會偏心淨係抑惡揚善~0~,
正因我成日聽,更加知道佢大碟的好與壞。
首先講1講先,what really matters 係概念大碟, 呢個主題已經好夠殺食,
主要以小事情表達大道理,往往d人係唱愛情呀,友情呀,親情呢d大topic,今次佢選擇講1D成日比人忽略,但好重要0既野,有幽默感啦,好奇心,童心,木呀盒呀等等,
佢每一首歌0既編排都做得好好。木紋雖然旋律好似好k歌形式,但係聽得出作曲編曲及聲音演繹後,像一首有靈魂0既歌曲一樣,好多人聽完之後都留下眼淚(我強調係唔止係fans!!),
另外佢入面有幾首我好喜愛,有大紅袍,編曲真係一流到爆,電子+中國風,而家d人好濫用中國風,但佢用得唔俗,而聲音演繹方面,在尾字加上滑音,更是配合到首歌0既霸氣。
其實聽得出佢每一首歌都好值得欣賞,每1首歌都比到人有驚喜,見到佢嘗試好多新曲風而又唔係難聽同唱唔到先難得。
其實青山大樂隊0既編曲已經無容置疑,以前何韻詩往往有好歌,但演繹得未完美。
而今次真係好進步好配合,係佢以往咁多隻碟最好聽同最耐聽0既一隻。
再另外,佢0既MV配合都一流,搵黎麥丸欣合作拍,再唔係果d拍3個鐘收工果d MV lor...
美中不足0既係佢歌詞簿印錯好多歌詞...同埋國語歌方面就真係有待改進,轉jo國語,感情收放未能自如,發音問題等等...

其實應唔應買,好睇你個人喜好0既....
每一隻碟都係歌手好用心製作(特別係你所列出0既碟質素真係唔差)，
心機分都好值得買啦... btw,呢d係我自己0既意見,你可以參考下0既=)
thanks for reading this long article.

楊千嬅(Meridian)
呢隻碟我覺得係千嬅咁多隻入面顯得佢最靚最young.. 而且好特別
啲歌詞係用postcard形式. 一面歌詞. 一面相
論歌喉可能都係咁.. 不過真係好特別
相我都嫌少, 不過真係抵買, 仲有poster添

我會買 古巨基 既 moments
因為古巨基既歌好觸動人心
同埋好有道理
你一聽都知佢係用自己既心黎唱架 !!!!!
所以我都係會買moments
希望你都會啦=]

張敬軒-----酷愛
真係好值得買~
隻碟真係好好聽~
我好多同學都話好聽~
同埋好多關於酷愛呢隻碟ge樂評都話呢隻碟好~
而且2日就買到金唱片~
可想而知質素一定有所保證ar~
真係值得一買~

最好買古巨基-----MOMENTS ,因為有好多做人的道理!And 有好有趣D野係inside!!!
Hope you can buy!!!!!!!!

張敬軒-----酷愛呢隻碟應該比較有質數 ,
不同既歌有不同既風格 ,
有好多好聽既歌 ,
eg:酷愛 , 迷失表參道 , 我的天......

楊千嬅-----Meridian不要買 !

何韻詩-----What Really Matters
因為佢今次呢隻碟ok

古巨基-----MOMENTS

Sound is good and more nice than the other

我買了古巨基的MOMENTS。除了因為我很喜歡他外，碟內的歌亦很好聽和很有意義。

如果係我,我會揀王力宏ge改變自己,

因為佢隻碟好多歌都好好聽,

反而古巨基呀,楊千嬅ge碟內面ge歌都比較單一,冇咩大驚喜~

2007-09-21 17:44:55 補充：
其實每隻碟ge水準唔錯~冇邊隻係唔值得買的~全部都好值得買~