✔ 最佳答案
睇黎係可以既,不過係可見既未來都應該唔得。因為係一般既情況,跟據牛頓定律F=Ma,只要向一個物體加上一個力,佢就會向力的方向加速。但如果根據愛恩斯坦的狹義相對論中的質量論呢,M=m/(1-V^2/C^2)^(1/2),M係物體的相對論性質量(relativistic mass),而m係物體的靜質量(rest mass),所以當我們平時講緊既幾百甚至幾千米每秒,對比起C(光速)既2次實在太少啦,所以V^2/C^2就會趨向0,即M≒m/1,即相對論性質量會大約等於靜質量。但當物體越接近光速,根據上面的式,V^2/C^2就越接緊1,所以M就會趨向m/0(即無限大)。再結合F=Ma,當速度越高,物體質量越高,我地要提供的能量也越高。當M趨向無限大,F也要趨向無限大,但我地又點可以比出一個無限大既力去比一個物體加速呢?所以我話係可見的未來都唔得。不過係更越的未來,可能人類會搵到方法既...
以上係我所知到既小小相對論...如果有錯請各位高人幫忙更正...