有關見工..........

見工必問的問題

(1) 介紹下你的學歷


(2) 介紹下你的工作經驗


之後你如果做多過一份長工, 人地就會問埋你點解走

(3) 你有咩長處和短處

(長處就容易講, 至於短處, 你其實唔可以逃避, 你一定要想定一個, 仲要話俾人知可以點樣彌補呢個短處)


(4) 你覺得點解呢份工咁適合你 / 點解我地要選你


(5) 呢份工D同事可能年紀會大少少, 你點樣融入佢地的世界?

(唔好笑, 我真係試過俾人問D咁的問題)


(6) 呢份工D人好勤力, 你點樣形容你自己, 你覺得你勤力嗎? 你可以超時工作嗎?


(7) 你剛畢業, 有咩理想?

(千祈唔好aggressive到講話做director, 你嚇親佢, 以為他朝一日佢都冇得做)


(8) 如果你D老闆脾氣出名唔係幾好, 你會點應付?


(9) 你有冇諗住繼續進修? 讀D咩? 點分配時間?

(如果你將來真係讀緊, 佢地會問你估計幾時讀完)


(10) 人工方面, 有冇底線

(你最好真係諗定, 間間公司一定想壓得就壓. 不過如果你諗住啱啱出來, 經驗重要一點, 你就老實咁講, 然後話佢知有得傾, 最緊要有機會學習及發展, 更願意依從佢公司的薪酬標準等 ....)




除此以外, 我最近更發現面試, 除左真係單對單 / 幾個老闆對住你一個, 又或者筆試外, 仲有好多唔同形式, 你可能需要參考一下:


(1) 一大班人, 俾個task 你地做, 然後role play. 其實想測試你有冇團隊精神, 有冇突圍空間


(2) video call - 即係類似netmeeting. 咁佢地總公司可能唔響香港, 咁你可能需要去佢地香港果邊的公司做 video call


(3) phone interview - 即係interviewer 打電話問你, 而唔係面對面. 因為你連人地的面容, 所有野都睇唔到, 溝通係有難度. 所以不用看輕這種interview 的方法



希望以上都可以幫到你. 祝早日揾份好工.

P.S. 記住去面試前, 睇多一次果份工的要求及工作範圍, 熟讀可以令你更知道你有咩專長係需要盡量發揮