想去韓國旅行

如果講好玩,一定是自由行好玩過跟團,因為跟團的食物,通常唔係幾好食,反而自己自由行去到邊食到邊,會食到很多美味的東西.而且跟團限時限刻,有時你想某些地方玩耐啲又唔得,某些地方想唔去又唔得.

當然唔識韓文可能會有一定的困難,不過未必是你想像中那麼難的, 因為:

地鐵站會有漢字同英文標示站名,最重要的是每個站都有一個號碼,只要你記住站的號碼,便不怕迷路.

現時韓國人都很注重學英文,情況比以前好好多,如果是旺區或遊客區,懂英文的人都相對多,此外,在遊客區內會有類似旅遊協會之類的service centre,有懂中,英,日語的服務員為你解答問題.在機場就更加冇問題,上次我在機場租手提電話,那服務員的普通話講得好過好多香港人.

韓國人對遊客是很友善的,如果他們見你是遊客,而又有需要幫助,會很忘我地熱心幫助你的.此外,他們有一個電話服務熱線,打去會有講中文或英文的服務員接聽,就提供資訊給你援助.

不過如果真的冇信心自由行而選擇跟團的話,我會向你推介東瀛遊,他們的團可能會比其他旅行社貴少少,但領隊導遊質素同食住都比較有保證,他們有不少韓國團可選擇,可以考慮一下.

至於推介的景點,韓國是很多元化的,因為不知你的喜好是:追訪韓劇景店,或shopping,或睇風景,或飲飲食食,或參觀歷史建築,所以很難在此給你意見,我建議你參考韓國官方的旅遊網頁:
http://big5.chinese.tour2korea.com/11overseas/hongkong/main.asp
那裡有很豐富的旅遊資訊,你可以睇睇自己對什麼有興趣.

買package的話,其實間間專做訂package的公司都差不多,不過建議你唔好貪平,有些公司很喜歡以平價招徠,然後用種種理由迫你轉買貴的package,所以要小心.我以前幫襯過安運同歐陸,都幾老實,價錢合理.

希望以上資料幫到你.

我上年去過滑雪(跟東瀛遊), 跟東瀛遊d 飯餐十分啱食. 韓國人都唔多識英文, 我去時見到好多牌是韓文...., 與日本唔同. 我覺得去韓國旅行, 都係跟團, 我下年新年也會去.