元朗 至 紅磡 車程及車資問題

我之前返工返九點，就係要搭到文英樓，單日計買自悠通20蚊可於同日來回搭西鐵及K16(基本上無限次任搭)，但你果程輕鐵又點算呢?不如由水邊村行去朗屏站，咁慳番呢程輕鐵錢先，長期就最好買全月通，咁就可以搭輕鐵到元朗站再出九龍。
由朗屏站到文英樓時間大約要一小時十分左右，但試過k16冇車要等約10零分鐘，又試過有車但冇位上唔倒，加上早上k16係超多人搭，到文英樓前都有成五個站左右，近富榮個度有時會塞車同多人上落，本人認為等車有得預時間塞車就冇得預，所以時間好緊，你仲要再轉車到紅磡果程都好似有11個站..........個半鐘都未必得，最好預一個鐘八個字。
我記得綠巴車費要$4.4，咁來回要$8.8再加20蚊即$28.8，如搭268B就要$16.5來回33蚊(唔記得用八達通有冇優惠>.<)，假設你返26日工，如買全月通+綠巴每月要$628.8，如搭268B則要$858，你每月最少會慳$200蚊多d。
最快就一定唔係，但最慳就真。
p.s 我記得車費就係咁上下，可能有d出入，希望幫到你。

咁點解唔搭268b呢
一程車之嗎
咁煩你個plan