有關倉鼠既問題

其實鼠鼠好少會叫到人會聽到既,因為平日鼠既音頻人係聽唔到,到鼠鼠叫到人都聽到既時候,多數都係因為痛苦or驚

鼠鼠叫,多數因為以下各點:
1)有可能係有打交既問題,令鼠鼠覺得生命受威脅而發出叫聲.
咁就要分籠,其實鼠鼠本來就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
所以一籠一鼠就避免到呢個情況

2)環境,人等令佢感到壓力
留意個籠有冇咩地方會令鼠鼠易整親,留意下屋企有冇其他動物,人或物品令鼠鼠不安
搬籠or籠既位置等問題都會令鼠鼠感到壓力

3)疾病影響
留意鼠鼠有冇咩野同平日唔同,有冇外傷等,要仔細檢查及留意鼠鼠身體同埋排泄物有冇異常

4)新買鼠
新買返唻既鼠都會好緊張,未習慣環境同人,所以新買鼠返唻就要俾佢靜兩日,再試下以下方法去同鼠鼠熟:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

2007-09-20 23:58:11 補充：
忘記講,如果鼠鼠叫,係可以幾大聲我之前有隻鼠,買返唻已懷孕,之後鼠B未戒奶就打交,但又唔分得住,到分得籠之後,其中一隻成日不斷叫,十分大聲,而且叫得好慘咁,仲多數半夜叫所以小心處理鼠鼠及一籠一鼠就少好多鼠鼠叫到好大聲既機會

冇咩事係唔會，但係打交就唔同＝　＝

唔大聲架,甘細隻

如果5係離太近應該5會太大聲..近都只會聽到好細de吱吱聲

夜晚嗌得吾大聲