香港專業教育學院 = ive ???

香港專業教育學院 = ive 是正確的
而香港教育學院就不等如ive
IVE有政府資助, 也有MARKET FEE(非政府資助)的課程
所以你選科時多留意一下價錢及資助
不清楚時到 IVE的 SAO (STUDENT AFFAIR OFFICE)問問

IVE是有不同類型的TOP UP DEGREE的

有幾個問題你要先問下自己：
第一，你而家o既成績如果真係o岩o岩升到中六o既話，你認為你可以升到大學？每年大約有三四十幾萬人考會考，有十份一人升到中六，而中七高考可以升到大學學位o既人，只有一半，嗱....你自己諗下喇....(據統計，一般a-level o既grading都會比cert level低一個grade。所以，如果你而家攞全D，咁a-level 就會全E，全E係絕對冇可能入到degree，除非你好有錢讀o的用錢買o既位)

第二，你屋企有冇錢供你讀多o的書先？如果有，怕咩慢慢讀，做乜咁趕住做o野？到你做o野時你會好恨再讀書o架，有幾多讀幾多，信我啦！廿四五歲搵第一份工都未算遲o架！但如果你屋企冇錢，而你只得13/14份左右，真係唔好讀中六七，包浪費錢同時間。

第三，如果你揀o左一科讀ive，呢個就好可能就係你未來有關o既工作，因為如果你讀完ive出o來做o野，咁好明顯你就係要做你讀個份科目啦，係咪？如果你再升大學，都只可以升同你讀Dip/HiDip有關o既科目，咁你揀ive科目o既時候就要好小心喇，right?

我識一o的做大學o既人，包括文職人員、助教同professer。佢o地都話而家大學係先收dip/hidip學生先，再收中七學生，因為話佢o地好多時有basic knowleage，入到大學通常最好成績係佢o地。

而且你知唔知，唔止ive有di/hidip讀o架？間間大學都差唔多有！點解你又唔申請下呢？因為一般大學degree係會先收自己大學所畢業o既di/hidip學生。當然啦！自己人(自己客仔)喎！而且我問過好幾間大學，佢o地o的入學計分制真係咁，冇呃你。

另外呢，ive其實而家都有o的科目係直接可升讀大學，你試下check check。(因為我己經有唔止一個朋友經ive讀完di/hidip而再讀大學，畢o左業，真係好多人，我唔知你係邊個到聽到話好難收生)而且好多時，有o的科目只係要讀一兩年就degree畢業，因為你之前己經讀o左di/hidip。

再者，我o地compare下中七畢業同ive畢業o既份別，其實而家中七同ive係平等o既，如果你係employer，你會請有受過專業training o既人定只係中學畢業o既人。唔知你爸爸睇邊份報紙，不過你作為一個有知識o既香港人，都明白而家報紙o既報導好多都唔可信。佢o地o既調查有乜根據？訪問o左幾多人？100人？1萬人?有代表性咩？(之前特首都係據統計絕大部份香港人讚成廿三條，但事實呢？)對象又係乜人？學生？老闆們？學校資料？咁又係乜行業？有好多行業都需要專業受訓過o架喎！咁佢o地訪問o既模式呢？問卷？問題有冇引導性先？自從我做o野接觸好多記者之後，我就好少會再信一o的報紙雜誌o既報導。你打開job searcher就知到事實o既真相o架喇！好多工都會想要ive or 大專畢業，that's true.
係升學方面，如果touch wood你中七through聯招升唔到大學，咁你都冇乜點揀，好可能要返轉頭再讀ive or 其他大學o既di/hidip。咁兩年高中時間就冇鬼o左。但如果你己經有dip/hi dip，你就可以去報好多唔同o既大學試下，(到時你畢業o既學院o既科系一定會幫你)又可以日頭做o野搵下錢，夜晚讀part-time。再唔係，你所讀學院科系好多時都會有職業轉介，幫助你搵專業o個科o既工添。

信下自己啦，你身邊人同網上o既人(包括我)都係只可以比意見你參考，唔係叫你一定要跟or盡信，但係你可以「選擇」聽定唔聽，聽又聽幾多？right?
不過點都好，我會以“我經歷過晒你面對o既o野”話你知，最緊要係「實際o的」同「小心衡量自己能力」。希望你揀o岩路同有美滿o既前途！

香港專業教育學院係等於IVE
所以香港專業教育學院都是有TOP-UP DEGREE的

http://www.vtc.edu.hk/vtc/web/template/institute_desc_list.jsp?fldr_id=438&lang=tw

可參考網頁或logo