你地結婚時禮金同人情係點樣分配,歸邊個?

結婚時禮金同人情係點樣分配係無一定準則。
我家人結婚時，禮金歸父母，其餘一切酒席，
全部 lum sum都係一對新人支付，
所以擺酒後的人情就歸新人了。

而我為例，人情方面，女家的親戚親戚及親友歸媽咪，我自己的朋友及同事歸自己，男家人情用來付酒席錢.
個陣時男家就要付女家10圍酒席、餅卡，禮金約$28000
所以係結婚前，最好傾掂數先! 唔係就好煩架啦!
我自己既人情就用左來去渡蜜月.

我地係女家只收禮金,男女家所有親戚朋友同事(即係連老爺既同事)都係我地收
因之前同屋企傾好左, 我地無可能俾咁多出黎, 我寧願禮金俾多d, 包埋屋企人既野多d

我有d朋友就係女家親戚同父母既朋友就歸女家,但新娘既朋友就歸返新人

同不如同屋企人傾下, 大不了嚇佢地話咁佢地寧願撻訂唔擺, 再唔係佢地收人情,就佢地埋單, 你地一對新人就當黎飯, 有咩理由你地結婚請人飲, 佢地收人情呀, 成廿萬無人情cover返, 真係好甘

我估屋企人都唔想你地風光一晚, 攪到欠債 / 一鋪清袋 ,坦白講廿萬真係唔係小數目

通常結婚係男家俾, 你地會男女家都會派一個人在門口駐守收各方禮金,當然包括你的同事, 女家的禮金是交由母親, 男家要找數全部, 但如果你話男家母親都要番所有請人的禮金, 那麼可能, 那麼不用擺酒拉, 旅行結婚吧

仲有我結婚時, 男家的禮金是歸我老公, 因為係我老出錢擺酒, 唔係奶奶同老爺,
至於女家, 我會同亞媽兩份分, 結婚都要支出架, 租婚紗, 化妝師, 美容....等都是自己付

你亞媽是否比左好多金飾你呀, 幾對龍鳳鐲, 係咪有粗條足頸鍊, 夠是傳統, 等個女嫁得好好睇睇, 傳統係死, 人就生的, 現在21世紀, 什麼也會變拉

傳統話生個慈姑仔繼後香燈, 唔通係生女的老就可以娶細老婆, 你話現家可唔可以一夫多妻?

以我的經驗，你地可以各自私下同父母溝通，我相信父母都唔希望你地為咗人情而令大家唔能夠開開心心咁辦結婚大事，最緊要解釋俾父母知你地個實際環境。

我舊年結婚時，媽咪一開始都要求男家俾10圍枱女家，但佢喺俾嫁妝o既時候俾返一筆錢我(足夠俾10圍枱o既數目)，其實一家人最緊要有商有量。


祝你盡快解決煩惱，開開心心迎接你地o既人生大日子，新婚快樂！

果時我將女家親戚(即我父母請的親屬及朋友) 的人情呀(大約 7-8圍左右) 比晒父母 (因為我計劃結婚果時已經同父母商量好)另外再加幾萬蚊禮金囉!
講真吖! 禮金都同人情冇特定的分配模式架! 最緊要一家人有商有量呀

講呢d野真係無話係一定ge，結婚咁開心ge事要咁樣，而且都係一家人，家和萬事興嘛!

我ge經歷：
1---禮金當然要俾，至於幾多就要你同女友傾，但就無話一定要幾多ge (女家唔係賣女，男架更唔係買女)，似乎大家環境相就。
2 人情方面，大家雙方的人情加埋，找埋條酒席數，有剩你兩公婆收 或雙方家長各收一半，講真丫，傾就咁傾姐，通常雙方家長都收唔落手，最後都係俾番你兩個，除非你環境好好又唔同講法。就算佢地唔俾番，亦都唔會再哦你地丫，因為是一個幾平衡的方法嘛!
最緊要大家要溝通下，傾下，減少情緒上的均困擾，咁咪喜上加喜囉!

遙祝：新婚之喜!!

通常一般人家都係within 10萬到~
有時就睇下女方會唔會嫁左之後個個月俾錢番屋企~
or 擺酒收番女家既人情+ 幾萬禮金咁~
不過個個都唔同做法既~
一般十萬以內都係一般人家正常價囉~
最緊要就大家歡喜, 日後新人開開心心, 我諗都唔係話咁strict既~
但都會睇返男家既經濟環境。
唔通女家明知男家無乜錢仲獅子開大口咩！唔通要D新人去借錢去俾"禮金"咩！

"禮金"呢樣野兩個新人事先一定要知道女家大概要幾多，否則到雙方家長見面時先傾就會有問題，到時好有机機嘈吵鬧.....

"禮金"仲要講明係咪全包，包唔包D過大禮item，如餅、海味等.....

仲有係"人情"亦要講明，免得到時先係宴會場地嘈.....
其實禮金無一定公價
我d朋友一般都係萬幾二萬, 好睇女方屋企囉,
通常禮金係比女家同個女買結婚物品,如金器等,但有d屋企又要比禮金,又要比酒席,仲比埋餅咭添,一定要傾清楚,酒席比女家咁d禮就係女家收架啦,但酒席當然係新郎比啦

男 家give!!