我條魚好似唔多點咁, 可以點樣幫到它呢?

2007-09-20 9:20 am

我屋企養咗條淡水魚一年啦, 中size有成八吋身長. 佢一向都好醒目咁成日同我玩, 好活躍ga. 你行去邊, 佢就游去邊...

但上個月佢, 聽到個缸一聲巨响之後, 佢就暈暈地咁, 左飄飄右飄飄, 身體向一邊傾倒. 我估佢係撞到d嘢, 例如係個光管咁, 因為佢好鍾意跳水ga . 我問過賣魚佬啦, 佢話它十成係撞到東西, 神經線有問題令到它平衡唔到. 一係會自然好番, 一係會死. 結果, 最近兩個星期, 佢巳經只可以側向一邊瞓係缸底 :(

昨天, 掀開它的身體, 發現面向缸底的一邊的鰭開始爛啦....
我唔想見佢咁辛苦, 但放佢出海又怕佢會俾d魚食咗或者對d海水唔適應而死咗.
我可以點做呀?你地可唔可以俾d意見我呀?

回答 (7)

I AM A GOLDFISH

2007-09-22 5:10 am

✔ 最佳答案

我好明白你ge心情>.<因為我都試過類似ge情況:我以前有條金魚,因為換水時不小心,他由高處跌在到地上,初時唔食,而且好驚恐,周圍"鼠",過左約9日,佢食番野,但逐漸游泳時不平衡,最後傾則,我當時已覺得係後遺症(魚鰾跌壞左),橫卧水底,咁樣半年後左右就死左...
=================================
我比較認為佢都係因為魚鰾撞壞左,以致身體無法平衡,這情況一般難以治癒(完全康復)。
1)如果你為佢好ge,你一定唔可以放佢去大海,淡水魚絕對接受唔到海水的高鹽度,只會令他成為海魚ge點心;另一方面,你咁做表面為佢好,但你有無諗過佢會唔捨得你,因為你係佢為一ge依靠...
2)魚照道理係唔會有死ge觀念,也不會明白可以自殺,在受到外在環境刺激時(如噪音,身體撞到d野)就有可能跳出來。
3)魚魚有爛鰭,我建議你用棉花棒黏一點稀釋左ge黃藥,再塗上患處(一日三次左右),但依我經驗,這個份量的黃藥只能減慢侵食速度,不足以去菌,一定要靠佢自己多d移動。
4)而加你要做ge只能俾多d有營養ge食物,以及多d親近佢,令佢心情好d,可能會奇蹟地康復!

參考: 自己

👍 0 👎 0