澳洲留學生活問題

你好, 我係澳洲melb生活了7年, 等我比少少意見你.

你所提供的host family資料太少啦, 我都唔可以講佢地好唔好. 但有少少你地方你要注意.
一般澳洲人都好早瞓的. 而且佢地年紀有番咁大, 我諗佢地會更早休息. 所以你晚上要小心唔好咁嘈, 唔好影響到佢地的生活. 我有同事做緊host family, 有一個香港的學生. 佢成日投訴個女仔咩事都唔做, m到又唔自己清潔, 所以令到我同事好唔開心. 你要意識到自己已經大個, 要學會獨立. 唔可以事事都倚靠其他人的了. 好似洗衫, 整理房間要自動自覺呀! 另外如果唔番屋企或帶朋友番去, 都要預先同你同host講呀. 因為一來佢地要知道你的安全, 二來個度係佢地間屋, 唔係你間屋呀!好好融入你個host的生活. 比自己去體驗一下澳洲人的文化. 但如果你發現佢地一心只係想賺你錢, 唔係想你好的話, 你就要同你學校講, 叫學校幫你轉host啦. 不過如果你夠18歲, 自己出去住仲好啦! 因為自己住, 分分鐘仲便宜過你住homestay呢! 可以慳唔少的!
至於Wheelers Hill, 呢區係有錢區, 唔錯的. 不過出入就要靠巴士. 都ok啦! 晚上會靜少少. 要小心dd. 另外 Wheelers Hill 都ok近 Monash Uni 的 Clayton Campus 的 即係你第日番學的地方). 你如果坐巴士, 15mins內就會到.

Monash Uni都係一間唔錯的大學. 係melb都係top 1/top 2的大學. 如果你入唔到melb u, monash會係另一個好的choice. 我之前有朋友讀你個course, 之後入番monash的year 2. 我覺得只要你比心機讀書, 唔好貪玩, 做齊功課, 又溫書. 咁你升上year 2一定冇問題呢! 比d信心自己啦!

你如果有問題仲想問就send email比我啦! 加油呀, 好好珍惜去澳洲讀書的機會呀!