我只得11y,,但係綱上識左個男朋友,,應否拍拖??

其實我自己覺得拍拖對於學生黎講係冇話岩同唔岩既
而老師, 家長唔希望拍拖都只係唔想我地影響學業
但係如果你又可以handle 到, 或者會有進步添~
咁就冇咩所謂 其實我覺得拍拖可以一齊溫下書 做下功課既姐...
唔係成日都要出街既 咁一黎大家又可以增進關係
二黎又可以keep 住成績
但係如果講到係綱上....
始終我諗你地都係見下面 起碼自己對方係個點既人
先去決定拍唔拍啦
因為如果見左面 覺得佢真係好岩你既話
咁咪可以試下lor
但係如果相反既 就大家做過朋友都冇所謂呀
係咪?! ^o^

女仔到了妳呢個年紀,難免都對異性產生某一些嘅幻想...
但始終妳仲咁細,思想未成熟尤其唔識處理感情事...
到頭來只會傷害到自已和對方...
我只會投反對一票,妳問我就唔讚成咁細個拍拖勒...

我想問你識左佢幾耐？
你覺得你了唔了解佢呢?
我認為如果要同一個人拍拖，
首先你要了解佢既性格，睇睇你地兩個夾唔夾。
有時D野真係人夾人，
唔係單單係網上傾過幾句計就知道大家夾唔夾。

不如分享下我既經驗：
當我發現自己鍾意左一個人(或有好感)既時候，
我會比一段時間自己，等。
因為我覺得如果我真係鍾意佢，
我唔介意等多陣(我會等幾個月)。
係呢段時間裡面，我會諗下自己係咪真係愛佢。
我相信大部份人都希望自己既伴侶係一世既，
用幾個月去睇下大家係咪真係可以長相廝守，
我覺得好值得既。

其實你呢個年紀(十幾歲)既男/女仔係好容易對人有好感既，
但好感唔等如愛，好感唔可以令你同一個人行一世。
係鍾意定愛，你比D時間就可以證明架喇，加油啦。

有人話愛情黎得快去得快，
唔知你信唔信。
我覺得如果用多D時間打好個基礎，
感情一定會好D。
如果草率地一齊，
到發最後覺大家都唔夾就分開，不歡而散，
我覺得真係好唔值得。

最緊要都係睇下你自己想要邊種愛情(長or短)，
想下散拖玩下，咪試下囉；
想認認真真長長久久既，咪等多陣囉。

唔好同網上既人拍拖,更何況你得11歲,
好危險,網絡世界咩人都有,人地又睇唔到自己個樣,
不法人士想點玩人都得啦,我反對你同網上識既人拍拖
但我唔反對你同你身邊既人一齊

1)的確要諗真d自己係唔係鍾意佢
何謂真心鍾意真係要你自己經歷過先知

2)佢幾歲? 小心發生性行為
都係為左你自己..講真
我曾經都係..會後悔

3)上網識既唔一定係呃人
因為我有幾個都係咁樣一齊左 仲拍左好長
睇下你會唔會容易比人哄到
同埋你有冇眼光同運氣 時間可以證明一切

4)細細個拍拖未嘗唔係一件壞事
你有左經驗 你之後拍拖都冇咁容易受傷害 都冇咁易hurt人
不過你之後諗番你就會覺得之前拍拖好幼稚
因為唔成熟咁拍拖 一定會傷害到人

受到傷害先會變得成熟
但係絕對唔可以比自己麻木

祝福你

2007-09-19 20:19:39 補充：
仲有..一定要見過幾次面先好以防萬一

我想問你一個問題先?
佢係咪真係鍾意你先?
如果係.我無辦法同無可能阻止你去拍拖
但係我從我既角度去睇.十一歲唔應該拍拖
我知道十一歲既你會好想去拍拖.好想試下俾人愛既感覺
但係我話你知,日後你會後悔.點解當初要咁衝動去拍拖
而且網上既人有部分都唔可以信得過
我曾經有一個朋友.鍾意左一個男仔.個男仔都話鍾意佢
但可惜個男仔竟然現實中有個女朋友.仲要係咁網上呃其他女仔
我講呢個事唔係要阻止你或者反對你唔好拍拖
但都唔係揀網上既男仔.
現實中既男仔都會呃人.更何況網上既男仔?
我只可以勸你唔好咁樣做
但如果你最後都係決定要同佢拍拖.我只好尊重你既決定同祝福你地。