為左避免人再犯罪我地所有人係咪唔應該生下一代？

但係生得下一代就預左一定會有更多人犯罪woo 我唔係杞人憂天呀 我依個好有啟發性o既問題黎呀 人人都有自己o既思想 唔係話d亞爸亞媽教,個細路就一定聽架ma 而且如果d父母突然死左,個細路無人教好佢,咪大獲? 再加上d父母可能自己本身都不停犯罪 可能自己都未掂 又點教好d細路

如果人唔再生仔生女 甘人犯o既罪就可以到依一代就中止 之前d罪就算洗脫唔到 起碼唔會增加先丫麻 而家如果又要有下一代又要佢唔犯罪響現今世界真係極難 所以我先想知下大家係咪應該唔好再生仔生女 去避免再增加人犯罪o既機會

To Rhino: 其實抵唔抵擋到誘惑, 事在人為姐.　＜＜＜梗係事在人為架ｌａ，不過就因為ｄ誘惑唔係甘易抵擋，而家無乜人可以抵擋到，因為人係唔完美，好軟弱，所以父母都未抵擋到，要教到ｄ小朋友抵擋到，恐怕難上加難 唔想下一代梗親 就唔比小朋友食飯有咩分別姐　＜＜＜　分別極大，小朋友你生左佢出黎，因為驚佢梗親唔比佢食飯，佢會餓死，甘樣即係殺人 但係唔再生下一代出黎，可以減少人類犯ｏ既罪，直到最後所有人自然甘死晒，無人再有犯罪機會，人ｏ既罪就自然唔會再增加，甘樣做非常有意義，當中亦無殺到人

如果一代又一代甘犯罪落去 犯罪　＞　等上帝寬恕　＞　再犯罪　＞　再等上帝寬恕 甘樣罪豈不是永不止息？

第一,如果"唔再生下一代出黎"就是你為左要避免人再犯罪所提的建議. 咁我會覺得你太消極了, 因為呢個只是一個逃避的辦法,而且唔可行. 你可以強制人唔再生下一代咩? 就算真係要咁立法. 我會建議參考一下中國內地的一胎政策..... ＜＜＜依個的確係一個逃避犯罪ｏ既辦法，係消極，但係同時亦係救下一代ｏ既方法，神唔想人犯罪，人類逃避犯罪咪正合上帝ｏ既意思．唔可以立法甘做唔緊要，至少基督徒以身作則甘樣做，可以比大家睇到基督徒對於唔想人無休止甘犯罪ｏ既依份堅持，甚至可以感動到大家相信耶穌．

．．．．. 注意! 上帝唔係你工人, 唔好有事就搵神, 冇事就當佢唔存在. 無論係完美唔完美,軟弱唔軟弱都要信靠神. 要同上帝求和的就盡快, 唔好等到人地兵臨城下先至識驚. 　＜＜＜　我地就係唔想大家等到ｏ個時先驚，我先希望所有人唔好再生下一代，以避免到時更多人落地獄，雖然到最後地球上淨返ｏ個批老人無人再照顧佢地係好慘，但係如果可以救返以後千千萬萬好大機會會犯罪而落地獄ｏ既人，甘做就顯得好有價值，一粒麥子若不跌在地上死仍舊是一粒，若果跌響地上死去，就可以結出好多粒，只要我地依一代有棄己為人ｏ既精神，無下一代再出現，本來會落地獄o既人，就無機會落因為佢地連犯罪ｏ既機會都無，我地就可以救到佢地．

第三,父母抵擋唔到,係父母犯罪. 父母唔教好小朋友,都係父母犯罪. 父母盡左力教,教唔好小朋友,係小朋友自己犯罪; 你有機會認識神, 你唔信神,係你犯罪. 有人啲,佢地沒機會認識神,甚至連聽都未聽過,咁佢地沒得簡信神定唔信神. 上帝唔會因為呢樣野而用聖經所寫的來懲罰佢地.但是除了呢樣, 你知道有啲事唔應該做, 你走去做,上帝一樣會懲罰你.　＜＜＜　父母自己本身都會犯罪，所以佢地好可能連犯罪ｏ既事都盡力甘教埋比小朋友，小朋友學左又繼續犯罪，一代一代甘傳落去．．．直至末日，好多依ｄ人就落晒地獄．我地點忍心見到甘ｏ既情況，唯有唔好再生先可以避免悲劇ｏ既發生

．．．人類係無資預言世界未日的確實日期, 但是上帝已經表明,呢一日已經唔遠. 就是當全世界的人都唔想再留響呢個世界的時候就會返嚟啦. 試下這樣想, 地球不斷受污染,氣溫上升,高山和兩極的冰溶化,大量淡水流入大海, 令部分魚類死亡同時水位上升, 低地比水淹沒. 政治方面不同國家用不同的藉口耗用財政,攻打他邦,引起復仇,戰禍連連,人民生活困苦,生靈途碳......最後所有人都希望盡快世界未日,因為投靠上帝係佢地唯一而是最後的希望. 當然到了這時候才投降,就太遲了. 　＜＜＜　所以更加要減少人口出生，因為當人越多，犯罪ｏ既機會就一定會提高，到時人犯ｏ既罪越多，就意味住更多人落地獄．

第五, 請問有邊個父母生個小朋友出嚟係預左佢做賊? 咁"呢個父母"都算罪大惡極喎.　＜＜＜　因為大家都比撒旦蒙蔽，連自己幫緊撒旦做事都唔知，更多人出生，就更多機會造就左比撒旦去引誘人犯罪，最終更多人會永死響地獄之中 第六, "我評估過現今社會環境",如果你真係評估過現今社會環境, 我會建議你做下義工或參政. 為你所評估過的社會, 你所關心的範疇和今,後的老百姓做一d野. 這必然會係一件好事.　＜＜＜　多謝你意見，但係我ｏ既眼光稍為放遠一ｄ，一定要先阻止響末日之前人犯ｏ既罪再繼續無了期甘延續，甘人類先會有好ｏ既將來