會計工作問題

其實無話要唔要好既口才既...我第一份工都係會計文員,做曬所有追數,推數的工作
我做左2年幾...唉,真係做到發夢都俾人追數囉
你一開始見工佢就同你講你的工作係接d追數電話?
如果係咁,你就一定要解決呢個問題
你就要講一d所謂既大話囉,例如幫你跟下啦,等他反黎安排...等等
基本上而家d工...一開始做既野同之後做既野唔同
等於老細見工的工作要求同你實際做既一定唔一樣囉
我都遞過2次辭職信,就係因為呢d被追數既原因同埋要做太多唔係自己既野
不過老細都唔批囉...
好彩而家都識點應付,其實真係要承受好大的壓力囉
至好就一放工就忘記左d追數的事,你咁會好過d
最後我覺得你老細要撐你架,因為你事實上係幫緊佢擋數
如果他真係為左你唔識聽電話而抄你,你就更加唔使留戀呢份工
除非你都覺得自己錯啦~

我都係會計---真係外憂內患 除推數外 公司員工每月到月中還未出糧 強積金有4個月未供
另外水 電 煤 租金樣樣都欠 貨款又找唔到 所以我好唔願返工
生意難做外還要應付常有員工借故工傷呃工傷假期及薪金
將詐騙工傷工人資料事故詳情交勞工署跟進 勞工署居然判工人附合工傷得直
勞工一向偏幫工人--就工人擺明係明呃
公司俾員工穿柜桶報警 警局不願做 左攪右攪令你煩到最後唯有銷案
眼見老細明明是個欣實商人但得到不公平遭遇真係除同情外無能唯力
想轉工好久 是否真係要辭了工才可"的起心肝"找工
有冇工作可以介紹俾本人

其實無話要唔要好既口才既...
會計文員的其中一樣工作,是要追數及推數.
無論你做幾多年會計文員,追數及推數是一定要做的. 除非,你是會計經理,就不用做了.

你就一定要解決呢個問題
你就要講一d所謂既大話囉,例如幫你跟下啦,支票開出但老闆還未簽名,我地公司通常月尾開支票,正本發票還在同事手上審批,還未到會計部..等等

辭職是沒有意義的,除非你不做會計文員.去到任何一間公司,會計文員最基本的工作是這樣的.
老細聘請你回來,都是想你幫他擋數.

追數 & 推數 係 a/c 既工作, 唔係話要口才好叻就ok !!
追數時 你首先要好禮貌禁問佢'唔知張cheque 安排左未呢? 如果未...禁唔知幾時方便呢?'
總之就低聲下氣 ,仲要有心埋準備有d客係好'醋底', 俾人問候都要忍

推數 都係 個句'等我幫你check check, 遲少少覆你....' 都係以一推再推既手法做事!!!

都係個句la, 做落左聽慣左就ok la, 最多咪同同事講下, 抒發下lo !!
唔好唔開心la ^^