開一間老樣院,需要d咩程序?

政府沒有開辦安老院，政府只係津貼福利機構例如東華、保良局、聖公會......開辦安老院。
安老院可分四種：
(1) 資助安老服務宿位的津助院舍
即福利機構辦的安老院，要向社署申請輪候的，服務有保證的。
院租：
$1,813 (傷殘津貼受助人)
$1,605 (非傷殘津貼受助人)
(2) 非資助安老服務宿位的自負盈虧院舍
由於安老院舍服務不足，所以有部份福利機構會開自負盈虧服務，收費每間不同，大致上七千至萬多元，服務有保證的，可直接向院舍申請。雖然貴，但唔代表唔駛排隊。
(3) 私營安老院
你屋企附近一定有，院租每間不同，可以與院舍商討。
(4) 參與改善買位計劃的私營安老院舍
同樣是私營院舍，不過社署評審過，服務有一定水準。有意入住，要向社署申請，院租與資助院舍一樣，如果等唔切資助院舍，可以考慮這個。
長者可以領綜援去住安老院的，一般私院收費可能多過你所領的綜援，你可以同私院商量，睇下可唔可以收順d。但如果個老人家已經行動不便，身體較弱，好難同私院講價，咁你可以問下醫生會不會批傷殘津貼、營養金等，多小小錢負擔無咁大。
開老人院會涉及好多法例，例如消防、衛生、員工資格等等......
順利的話，短時間都可以有錢賺，但要回本就要比時間。
不過，都係果句，唔熟唔做，做番自己熟悉的行業，好比胡亂聽說已開一間自己完全唔知係乜的東西！

你想清楚先好做,老人院要投資多少?
有規模的動輒要幾百萬.請人又好難,厭惡性行業.24小時運作.經常要做白事.不論日晚都有老人家呻吟.經常被家屬投訴.競爭又大.又經常拖院費.經常送院友到醫院診治.每日派藥又派飯,派藥唔可以錯.否則pk.晚上要為老人家轉身.又留意有無院友偷走又唔識番來.或者有院友在院內仙遊.要馬上通報否則失責,總至問題多多.!!!!
以上只係冰山一角.你自問有能力升任,再講其他吧!更枉論有無錢賺?

有錢既,就買間現成(我個fd係),因為所有手續就一定ok 哂,轉個名，裝收吓，就可以做生意。

是否有錢賺??? 好難講,好多方面既,不過近年以至未來數年,人口老化係一個問題,老人院係有巿場,收入都ok穩定。 做吓廣告。我個fd 開老人院扣除人工同其它雜費,都有15-20萬一個月。