我個女always會肚痛,Why????

你個女會否係壓力 或心事, 我個大仔都試過類似既野, 不過佢係一日柯大便柯4-5次, 但佢既大便係正常靚便便黎既, 唔係肚柯o個種,維持左一段時間, 之後我同佢睇醫生, 醫生同佢傾左幾句閒計, 內容係你考試考第幾呀, 鍾意o的咩呀,,,,,,跟住醫生同我講話你個仔無病, 但佢有心事叫我同佢傾下, 我心諗你(醫生)無野呀, 你同我個仔講2句廢話就佢有心事, 我都唔信佢(醫生), 但我一出門口都有問佢(個仔)係咪有心事, 原來佢真係有心事, 佢驚細佬出細後我會唔要佢, 之後我就解釋比佢聽關心下佢, 第二日已經無再一日柯幾次大便, 正常曬, 真係唔到你唔信, 你都試下同佢傾下, 睇下佢係咪有心事或壓力 ^.^

你個女唔鍾意食飯，有時未食都話肚痛;有時食飽會痛，好可能會係胃痛ga。
我個女今年6 years old，都係always 話肚痛，都係個唔鍾意食飯的人。我同佢睇過醫生,醫生話如果未食會肚痛，食飽都會痛，就有可能係胃痛或腸胃唔好。如果食飽就唔會痛，就唔係胃痛。
我個女係食飽就唔會痛，佢係有風。
你試下向“胃痛或腸胃”方面同醫生跟進，因為“胃痛或腸胃唔好”可大可小ga…
希望你個女早日脫離“肚仔痛”，同埋身體健康，平平安安快高長大…

我個女都係咁, 妳個女係咪升小一?? 我聽朋友話呢啲可能係心理病, 剛轉換新環境, 有壓力, 妳可以試下同佢睇心理科...

其實會唔會係佢肚入風呢?佢有無著好d 3,最好可以平時如果坐係到就搵外套蓋下個肚,因為我以前個肚一入風就會痛..所以一凍就要用外套摭下..睇下幫唔幫到你..^_____^