黑摩利..

新開缸其實應該慢速加魚。原因係缸中o既氮化物要由硝化細菌處理，由最初冇魚到有魚，由本來冇屎尿到有屎尿，硝化菌數量要有時間追上呢個需求。追唔上，水質就會差。
初開缸只會加一兩條魚，等ｄ大小二便俾食物ｄ菌食，然後逐少咁再加魚。你個缸一尺，就一次過有五條黑摩利，算係過多啦。好彩你三日換一次水，否則可能已經有魚死。
不過三日一次其實都足夠架啦，唔好再加密，仲要記得用隔過夜o既水入缸，以免氯氣殺菌。另外你冇講過過濾器喎。過濾器最緊要有生物環，放得落就放多ｄ啦。
水草會吸收水中o既部份氮化物，但係咁樣唔係令水清左；水唔清一係有懸浮物如泥／屎粉，一係死菌變白色，一係爆藻變綠色。新手養水草宜用泥底，可以種陰性草如鐵皇冠、水榕、莫絲，用魚絲扎o係沉木就可以，對肥、燈光、co2要求都唔高；種陽性草就要足夠燈光（約 1L 水用 1W 火數o既燈，一尺缸有好多選擇）、co2（可以自制，可以買鋁樽裝o既氣），相對要求高、成本重。扑鎚之前都係想清楚、搵下料先啦。可以去呢個網站 參考下、睇下舊文。

小型魚專業知識
盡在香港燈魚論壇