老問題, 關於入境英國

我剛剛從英國返黎香港, 我係一個女仔到英國, 起初都好驚, 因為我知道一個女仔入境會比較困難. 0係回答你問題之前, 我分享下我0既經歷啦!
9月初, 我獨自去敦倫希思路機場, 在香港 check-in, 地勤小姐已經問長問短. eg: 去英國做乜? 自己一個? 留幾耐? 有無 book 到酒店? 有無有關證明?
臨登機時, 另一位地勤小姐就問我和排我後面那小姐是否同行. 我答不是, 地勤小姐要求我出示 bank card, 話對下個名喎! (但地勤小姐又無問排我後面那位小姐)
到達倫敦, 我眼見幾位中國藉女子被海關問完後, 要行去另一面, 她們有的是持中國護照, 有的是持特區護照... 當到我時, 關員問了我一些問題: 為什麼到英國 (答:旅遊), 自己一個 (答:我有朋友住在 manchester, 他會來 london, 和我一齊), 是否訂了酒店, 可否給我看看證明 (我便給她看), 你會在英國逗留幾耐 (答:我會十日後走, 其間會去 paris), 你話會去 paris, 咁你點去 (答:我會坐 eurostar, 再給她看證明和回程機票), 經過一連串問題, 我成功入境!!!
回答你問題先:
1) 照直說你到英國觀光, 會逗留親友家中, 其實你在飛機上要填 landing card, 要填你英國的地址, 關員可能會問你英國親友電話, 你要準備好.
2) 跟團過關係會容易d!
3) 你可以和同行者一起過關 (我見到一家人都係一齊過關).
4) 當你一日要用 100 pounds 都可以, 必要時可以比 credit card 佢睇. (不過我0係英國無比人問帶幾多錢).
5) 你一併帶埋 BNO 到英國啦!

我曾數次進入英國都沒有上述的情形；但海關的語氣態度的確較差。

我去英國時，亦很害怕被拒入境，因為朋友親戚都試過被拒入境，以下是我的經驗：
a. 回程機票 - 被拒入境的原因是怕你留在英國不走
b. 香港銀行存款的証明 - 証明你在香港有錢，還不會過期留英，綜緩
c. 香港工作証明 - 証明你在香港有工作

回答你的問題
1. 你可表明你是觀光, 旅遊, 並會在朋友親戚的家中留宿
2. 跟團過關是會比較容易，但你有 回程機票，都OK
3. 可以的，你可禮貌地表示你朋友不懂英語, 需要協助解答關員的問題
4. 參考b. 我帶了很多錢去英國，應該沒有限制
5. 一併攜帶已過期的BNO會有幫助的

如被拒，請盡力說服他，我朋友試過，是過到關的。

祝你玩得開心