倉鼠生了ＢＢ怎樣照顧呢？

不能換木糠，以免打擾鼠媽媽及鼠BB~
　　　　 大約五至七天後才可換木糠~
　　　2. 除了鼠媽媽及BB，如果還有其他的鼠鼠，
　　　　 便暫時把牠們分隔開來飼養，以防這些"
　　　　 其餘的鼠鼠"傷害BB~
　　　3. 鼠BB要大約三星期後才可以斷奶，
　　　　 此後可把分開了的鼠鼠放回原位一起生活~
　　　4. 一旦鼠媽媽生了第一胎，很易也很快生第二胎、第三胎……
　　　　 所以此時便是你要決定是否再要更多鼠鼠~
　　　　 如果認為已經足夠便要分開公母飼養了~

A.呢個時候要分開鼠爸爸,唔係鼠爸會有機會打or食鼠b,而鼠b就要同鼠媽媽一齊住

鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

B.鼠bb係依賴鼠媽媽既奶去成長,去到大約鼠b12日大既時候,先要為鼠b安排食物,但鼠b一樣要飲奶既,到鼠b18-21日大,就要再同鼠媽媽分籠

鼠bb成長階段:
1) 出世: 未開眼,有d牙仔,冇毛,有細爪
2)第七日: 開始出毛
3)第十日: d毛開始生長到都幾多
4)第十二日: 鼠媽媽開始唔會幫鼠b清理排泄物,鼠b會自己爬出去搵野食,要注意俾放既糧食既野唔可以太大舊,整細粒d d糧,如果近粉抹既食物就要加少少水 <----
5)第十五日: 開眼
6)第十六日: 出齊毛啦
7)第十八至廿一日: 戒奶,要將bb同媽媽分開
8)一個月至四十五日: 成熟期,鼠既品種唔同有唔同既成熟期

C.鼠媽媽自行會食左生完bb既胎盤進補,同時你都可以買d鼠專食既魚乾,而餵奶期間就要整奶粉沖既奶俾鼠媽媽飲

D.唔知點樓上講緊換木糠,但我覺得最好等鼠b戒奶後先換木糠,真係等唔到咁耐既,都要等16日,唔係鼠b都有危險

E.另外,希望你可以考慮一下之後唔好再繁殖鼠鼠,其實鼠鼠最好分籠,繁殖鼠鼠又會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

不能換木糠，以免打擾鼠媽媽及鼠BB~