暗戀是什麼??

1. 見到佢果陣會心跳加速

2. 口齒突然間變得好唔伶俐

3. 經常發呆

4. 人地無話打俾你，你又響度猛等人地電話

5. 當佢響你視線範圍之內，你會扮睇唔到佢

6. 當佢離開左你視線範圍之內，你就會勁望佢去左邊

7. 見到佢開心，你自己都會暗地裡開心

8. 出完街之後，好想佢送你返屋企

9. 一班FRIEND食飯果陣時，希望有意無意咁坐響佢隔離

10. SEND SMS俾佢果陣時，會好介意自己GRAMMAR有無錯

11. 當佢唔舒服果陣，你就會勁叫佢睇醫生（但係自己平時病果陣又唔會去睇）

12. 個個都可以睇你張身份證，除左佢之外（智能ID咭另計）

13. 好想佢送D野俾你，乜野都好

14. 成日留意佢既言行舉止，睇下佢係咪對你有野

15. 若果見到佢同異性傾計果陣，你會想知佢地會傾D乜

16. 成日發夢都夢見佢

17. 若果發覺大家著左D好襯既衫，你會心裡暗叫「妙﹗」

18. 不斷打聽佢既拍拖歷史

19. 會介意佢去完旅行返黎無送手信俾你

20. 趁佢背住你果陣，即時猛望佢背脊

21. 佢叫你做乜都即刻做，好聽話

22. 偷偷地幫佢執手尾

23. 響手機度禁佢個名或者佢D相出黎睇

24. 同佢既FRIEND變得好FRIEND

25. 成日去佢經常出沒既地方留連

26. SEND SMS之前之後都會不斷返睇自己SEND左乜野俾佢

27. 主動借D書、碟俾佢，製造再見既機會

28. 就算佢響你隔離，你都會成日掛住佢

29. 行街見到佢鍾意既野都會有奇妙既感覺

30. 響街度聞到佢搽果種香水（或洗頭水、番?）味，會即刻好緊張

31. 就算你有幾唔得閒都會應承佢出去

32. 用133打俾佢，佢一「喂」就即刻收線

33. 無情情想嗌佢個名

34. 唔敢走去佢附近

35. 習慣每晚都會睇佢個BLOG

36. 唔想俾佢知道你有男/女朋友

37. 成日開MSN或ICQ既HISTORY回味一下

38. 會深入研究佢所有喜歡既野（就算自己一D興趣都無）

39. 好想講自己既野俾佢聽

40. 佢講乜野你都會信

41. 見到佢父母會特別拘謹

42. 講野前會PLAN定一大輪

43. 兩個人獨處時候有DEAD AIR會感到十分尷尬

44. 會記住晒佢鍾意食咩呀、唔鍾意食咩呀，諸如此類

45. 經過佢屋企時候會望上去或者響下面停一停

46. 一起身張開眼就會即時諗起佢

47. 製造無理要求，睇佢有乜野反應

48. 想知佢鍾意邊一類型既女仔

49. 佢做任何衰野都會幫佢搵藉口

50. SET佢張相做電腦WALLPAPER

51. 不論內容係乜，SAVE晒佢俾你既SMS

52. 做垃圾婆，總之任何關於佢既野都要KEEP

53. 會響紙上面不停寫佢個名

54. 成日自己估人地對你有無野

55. 每次就算有正經事搵佢，都會自己緊張一番

56. 想佢欠你D野（反而佢還左俾你會唔舒服）

57. 覺得佢梳乜野髮型、著乜野衫都係OK既

58. 唔想聽到佢同佢女/男朋友傾電話

59. 佢一講野果陣就豎起耳仔，但係又扮成唔係聽佢講野

60. 好想度下佢高你幾多

61. 同FRIEND講起佢果時，會用花名或暗號

62. 唔敢送太貴重或者太大件既禮物俾佢

63. 因為諗起佢，行行下街都會無啦啦笑左出黎

64. 搵機會同佢合照

65. 會刻意同佢鬥嘴

66. 會留一D問題性既SMS俾佢，等佢一定要覆返你

67. 若果佢讚你靚果陣就會KEEP住呢個LOOK

68. 買D有佢個名既野

69. 同佢MSN果陣，若果佢覆得唔快，就會好失望

70. SEND俾佢既聖誕同新年SMS會同其他人唔同

71. 覺得佢好叻

72. 人地講佢壞話既時候絕對唔會加入

73. 同朋友講起佢既時候會覺得好爽

74. 搵機會度下佢隻手大過你隻手幾多

75. CHECK下自己星座同佢夾唔夾（尤其響網上成日玩配對）

76. 討厭佢所有討厭既人

77. 唔介意望到佢既腳趾

78. 佢生日既時候，唔會買一D人人都知道佢鍾意既禮物俾佢

79. 唔捨得熄電腦，怕佢隨時ONLINE

80. 想見佢，但係見到佢又會覺得好辛苦

81. 同佢講野時候會壓制自己既面部表情（反而搞到個樣唔知想點）

82. 許親願同玩親乜野占卜都係同佢有關既

83. 唔會介紹靚女FRIEND俾佢識

84. 借D意同佢SHARE野飲

85. 同佢搭巴士果陣扮訓著

86. 搣花瓣

87. 乜都幫佢頂

88. 唱K果陣扮晒話無男/女仔陪你唱合唱歌，逼佢同你唱

89. 送野俾佢唔留名


90. 突然間對所有異性失去興趣

91. 人人講緊一D情情塔塔既野果陣都覺得講緊自己

92. 覺得若果同到佢拍拖，一定會好幸福（就算佢同你唔熟）

93. 覺得大家都OK襯既（就算身邊人人反對）

94. 連續打兩個乞嚏就覺得「佢一定係掛住我」

95. 少少野就話自己好唔舒服，睇佢有乜反應

96. 同佢去完街返屋企會勁重溫同佢相處既片段、說話等

97. ENJOY人地誤會你地兩個有野

98. 逼佢同你有單獨相處既機會

99. 響同一場合，佢唔走，你唔走

100. 著得靚果日，好想響街上撞到佢

101. 見到佢ONLINE，等佢同你SAY HI先；若果佢唔應你，你會勁灰

102. 唔小心同佢有肌膚之親，都會即刻有觸電既感覺

103. 每次同佢單獨坐車既時候，感覺都好似去旅行

104. 就算唔係去果度都特登話係，等佢可以順便車埋你

105. 佢借D小野俾你，你都會KEEP起佢唔還

106. 對佢特別小氣

107. 響FRIENDSTER睇晒佢有乜FRIEND

108. 特登俾佢知道你有人追

109. 經常對自己既言行舉止好後悔

110. 希望佢同佢女/男朋友嗌交

111. 人地問你係咪鍾意佢，你會答「痴線﹗」

暗戀比我感覺係好開心。單戀同暗戀都係冇分別

佢love you you 唔知

暗戀, 是暗暗地傾慕一個人，心癢癢的。

總覺得暗戀，是所有愛情樂譜的第一章。暗戀不一定是痛苦的。很多時，是樂事，也是浪漫事。

對一個人有好感，就會慢慢觀察對方，繼而，產生愛慕之意。不過，只要您喜歡他，在您眼裏，什麼也是好的。您就是因為他的優點，把您吸引住。他的缺點？全看不到。他多情，您會說他不羈；他衝動，您會說他有性格。他，光頭腳臭，您也會欣然接納。

之後，就是那段若隱若現，似夢迷離的追逐遊戲。您刻意接近他，讓他認識您。您好想告訴他多一點，但同時理智又叫您不可太暴露自己的心意。您步步為營，務必要對方有多點回應訊息，才會加重自己的表示。您很害怕，害怕神女有心，襄王無夢。您忐忑不安，天天茶飯不思。您也不斷夢想，製造無數個與他成功歡好的白日夢。

越是年幼，越是年青，暗戀的感覺趣味，就越是強烈。暗戀可愛之處，就是當男女未多受愛情經驗洗禮時，形成試試探探的得意處境。越純真，暗戀就越來得天真。有朝一天，當您不在需要暗戀人，或不需人暗戀您，也能快快成事時，您，可能已經不再是愛情小天真了。

暗戀別人，其實也是一件浪漫的事。因為，您會在未表白的情況下，為對方做了很多很多。無論對方最後有沒有接受自己，那些付出了的行為，是既感動，又浪漫的事情。

不要嚷自己如何如何愚蠢。因為最愚蠢的行為，是由始至終，都刻意不讓被自己暗戀的人知道自己的愛意。人類是感情動物，縱使很多時自己沒做過什麼，說過什麼，被愛的人，也一定會感受到自己那份愛意。刻意保留，是傻事，也一定會是憾事。嘆自己有緣無份，總好過嘆自己無緣無份好。

沒有表白通常不外於膽小﹑其中一方或雙方已有伴侶等等幾個原因。暗戀通常是一種沒有回報的愛，甚至被要求付出。

暗戀旳現象出現於廣泛的年齡層，不論是青年、少年、中年還是老年，但當中以青少年出現情況較多。同樣，暗戀的現象在男性與女性身上出現的機率相等。因為在青少年群中，暗戀出現的情況較多，所以在流行文化中，有不少以暗戀為題材的作品。