我想問一d關於倉鼠既問題

鼠鼠係好怕熱,亦會怕凍,但只要處理得好,放既位置冇問題,係唔會有事既,如果好凍OR好熱都放鼠鼠去露天既地方,又冇做保暖散熱既野,咁鼠鼠就真係有機會死
樓上兩位網友都講得好詳細,本來都冇打算再答,但睇返有d較危險既問題,希望兩位及發問者留意一下及唔好介意,我只係希望大家既鼠好,並冇惡意

A.鼠鼠在冬天既處理方法:
1)我就唔建俾毛巾之類既物品俾鼠鼠唻做保暖,籠內籠外都會有危險,唔係咬既問題,因為俾咩俾鼠鼠其實都一樣會咬,係因為毛巾會有d線,好易卡住鼠鼠既腳,鼠鼠一被卡住會好緊張,卡住少少再整多幾下,就d線就好易打晒交咁,咁就易整親鼠鼠自己架啦,就算只係卡住一條線,到你要幫佢整返出唻,就明白係好難整既

2)冬天要去鼠店買鼠鼠專用既鼠棉花(又名鼠棉被),夏天應該冇得買,但去到涼涼地就會有,但因為天氣變化不定,建議養開鼠就過完冬都留返1,2盒,等下次轉凍既時候唔洗擔心買唔切
唔好用其他人用既棉,因為會有機會令鼠鼠敏感,鼠鼠敏感可大可小,嚴重係會致命
用鼠棉時鼠鼠都會咬,如之前所講,鼠鼠咩都咬,但其實咬or收入腮都只為整個窩俾自己,所以唔洗擔心,除非放左入腮好耐好耐都唔拎出唻先要留意,怕個腮有事,整唔返出唻

3)凍既時候可以加多d木糠,等鼠鼠有足夠既墊材

萬一真係凍親鼠鼠就要留意
野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既.當鼠鼠有好凍,呼吸好慢既情況,就要馬上令鼠鼠慢慢溫暖返(唔可以突然好熱)

其實放屋企入面,唔亂咁放,唔係咁易會出現冬眠既情況,n年前屯門試過2度,我住屯門既,冇暖氣,隻鼠都冇咩特別,所以唔洗太擔心.室溫唔會令人覺得太凍太熱,咁就ok了

B.鼠鼠在夏天既處理方法:
1)夏天太熱時,可以用風扇遠距離咁吹下鼠鼠,又或可以用散熱板(不過唔係隻隻鼠都會用),同時用少d木糠,並將鼠鼠放在陰涼處,唔好曬到鼠鼠
我本身就用風扇遠遠地咁吹+散熱板+少d木糠

2)市面都有俾熱天用既用具,冷氣梳化or一塊板,係放d野入去再會凍既野,用完要再入既,我試過係唔好用既,因為會有水整到出唻,而且唔係真係咁涼. 都有睇過方法話放支冰水在旁再加毛巾,都試過唔似有用,鼠鼠唔會特別去涼,亦都唔覺會涼好多.仲會好多水整落毛巾甚至漏出唻...

3)同時留意水樽出水有冇問題,避免脫水同中暑(當然冬天都要留意,但夏天較緊要)

4)瓷or其他有機會整得爛既屋or食物盆我都唔建議使用,唔好以為d瓷好厚鼠鼠整唔爛,但鼠鼠既牙真係好犀利既,易爛又爛左會有危險既物品其實都有機會俾鼠鼠整爛,咁就唔好啦

萬一真係熱親鼠鼠就要留意
要將鼠鼠拎去涼d既地方,但唔好搵風直吹佢,真係嚴重地唔醒既話,可以俾dd涼既水俾佢,之後盡快睇醫生

C.除左保暖散熱要留意之外,都要留意籠放既位置,籠擺放既位置要留意以下幾點:
1)要放在通風陰涼處
2)唔好電視等等好嘈既地方附近
3)唔好放在俾雨淋到既地方
4)唔好放在曬到既地方
5)唔好放在冷氣風口位
6)唔好放在太凍or太熱位置

you should buy it in summer
*購買前須知*







圖片參考：http://www.islam.org.hk/milly/images/i32_f01.gif
你要養的品種...
每一種鼠都有不同的性格(當然有例外啦)，可是你一定要知道。
如果你要兩隻不同品種的話...
你要確定牠們不會打架 (可向店員查詢 )
　
圖片參考：http://www.islam.org.hk/milly/images/line485.gif


圖片參考：http://www.islam.org.hk/milly/images/i32_f01.gif
購買前要先確定你要養多少隻...
如果你要養一隻的話，牠會好悶。
如果你要養兩隻的話，牠們可能會打架。
如果你要購買一男一女的話，你要如何處理牠們的下一代呢?
　
圖片參考：http://www.islam.org.hk/milly/images/line487.gif


圖片參考：http://www.islam.org.hk/milly/images/i32_f01.gif
你要選擇的鼠鼠要是...
雙目有神，活潑好動，毛質柔軟、順滑、有光澤而不濕，沒
有腹瀉和甩毛的跡象。

養鼠鼠既最佳溫度係18~25C
天氣熱得擠可以開冷氣同風扇
但係唔好對正個出風口黎吹同距離遠D
注意既係開冷氣唔好開20C以下(20~25Cla)
(10度係最凍既話就唔好開6度以上,2~5度到la)
風扇唔使多講la
點都唔凍過冷氣gua
另外可以用冰袋
不過唔好痴住個籠黎擺
擺係距離個籠5cm附近已經得
亦可以係個樽到裝D水
跟住擺入冰箱一粒鐘
拎番出黎搵條毛巾包住佢
擺係個籠隔離
今次痴住個籠都得
鼠鼠太熱會中暑
中暑可能會死ga

冬天要買D鼠鼠專用棉花鋪係佢間屋道(訓教果道)
都幾難買ga
不過絕對唔可以用普通棉花
佢會當食物ga
有人會用普通既衛生紙(唔係衛生巾)撕成條壯比鼠鼠
但其實有D鼠鼠係分唔到食物同紙ga
未知你隻鼠鼠分唔分到就盡量避免la
此外仲可以用毛巾衛住個籠
當然唔好包住哂焗死佢la
鼠鼠係3~8C間可能會冬眠
但冬眠既鼠鼠好易窒息而死ga
所以要小心D ar

2007-09-17 19:42:52 補充：
比毛巾佢係籠入面佢可能會咬ga