我有濕疹係面度, 已家好痕好痛好乾又有龍頭, 好辛苦...有無人可幫幫我

bad news....濕疹係冇得醫...

應該咁講，濕疹係唔會斷尾，
佢有時可能會好d（即係冇咁痕，冇起得咁犀利），
但冇啦啦又會發作，
可能係因轉天氣、心情唔好、食左蝦蟹等有毒既野而病發，
有d人會有得佢，因為明知醫唔好，
而我，我就會等佢發得好犀利先去睇，
即係「R」到忍無可忍既時候就去睇醫生，
YES，食葯&搽葯膏期間係會好好，
但冇食一排，又會發過...
冇辦法，醫唔好，唯有平時保持心情平靜，
（好難，尤其要考試果排我會極度緊張，又發…）
盡量唔食有殼既野（呢個係醫生ADVISE的，例如蝦、貝殼、蛋、花生…），
搽番D冇香料唔敏感既CREAM，
而另一個醫生則提議當患處一痕，就用冰黎敷佢，
敷到佢痛就唔會痕、唔會繼續「R」捐，
（但我尤其係訓覺時最痕，訓到濛濛鬆鬆，點會爬起身去雪櫃攞冰…？）

我而家都係邊「R」邊答你，希望我既回答對你有幫助！

P.S. 有隻葯膏係大陸野黎，賣10蚊一支左右啦，
好多人都話有用（但我就麻麻地，因為我真係都幾犀利下），
但係搽耐左又係會好乾燥兼甩皮，因為佢冇唔知「淚固順」定係唔知咩，
另到佢好番D，你要唔要試下？

妳係咪經常緊張 or 壓力 or 情緒起伏的人 ?
若是的話, 那很難不重重覆覆發作
先繼續看醫生( 因控制得較快 )，一邊處理緊張etc 問題
or 換吓枕頭被鋪 etc , 因有d人係因致敏源( e.g. 塵埃，塵瞞，污糟 ) 引起的 , or should say , 互有關連 . ( my doctor say that )

我的濕疹experience : 05 年尾至 06 年中 不斷發 (以前從未有過濕疹) . 後來發現新入職公司 air-condition system ＋几年未洗過，加上我是很緊張的人 , 結果不斷發。現在離開了那污糟公司，我又開始學習放鬆，便沒有再發了

明白你們的困擾，盼望你們早日康復，回復靚靚皮膚

果面好乾就已經唔再可以搽藥膏啦, 否則重乾呀 !!
可用冰糖煲水, 待凍后洗面, 可滋潤皮膚ga, 就唔痕, 千萬勿"ar"
等皮膚冇咁乾, 就可以用方法改善你啲問題啦..
有龍頭即係發炎, 所以要用鹽水(必須要凍水)洗面消毒, 等d清理晒龍頭,
而濕疹就是體內的問題, 非一朝一夕啲事, 所以都要d時間去改善ga, 要有耐性同肯介口才可, 否則呢個問題會跟足你一世 ga !!!
首先要開始留意哪些食物是比較濕毒的, 如芒果, 菠蘿, 竹筍, 鵝, 牛肉(其實如非真的很嚴重, 不見意介牛, 因牛肉是很有謍養的, 但若是真的介就要暫時停, 改善後再食) .... 之類食物, 另外要多飲水, 多食蔬果及足夠睡眠 !!
** 切記勿用熱水洗面, 就算天冷都不可以, 這樣除咗防止皮膚乾燥, 仲可令皮膚光滑, 毛孔細膩ga !!!! **