唔該幫我plan 一 plan 2 日1 夜 澳門遊行程.

建議你第一日先行晒「乙水」仔同路環,最後一日先行澳門島。
第一站可以先去路環,路環好細,景點亦唔算多,可以當做個熱身,路環有幾間古廟同一座聖母堂,入面既聖母係著住天后娘娘既服飾,值得一睇。
行完路環,往「乙水」仔途中會經過澳門威尼斯渡假村,行完威尼斯就可以去「乙水」仔既美食街食木糠布甸, 豬扒包, 棘魚包等等(記住正宗豬扒包係麥當奴對面,每日三點鐘開始出售)。「乙水」仔有兩間博物館值得一去,分別係「路環文化博物館」同「葡萄牙人居所博物館」。
到第二日,可以先去二龍喉公園,入面除左聖母雪地殿聖堂,仲可以搭下登山纜車,聖堂所在既松山燈塔係必到之處,燈塔下仲有一個防空洞可以參觀。下一站應該去大三巴牌坊,牌坊後面有一處叫納骨堂既地方,收藏左以前傳教士既骸骨。除左大三巴牌坊,唔好唔記得去隔離既大炮台同澳門博物館,個人認為呢間博物館係全澳門最好。第三站係主教山小堂,主教山對面就係觀光塔,不過上去要收費,都幾貴...最後一站就係碼頭隔離既漁人碼頭。行到身水身汗,而又仲有時間既話,可以去八百伴行下兼涼冷氣。

以下是我自己計劃的行程及資料 , 請參考及自行作出調整 :

1. 酒店方面 (假期較貴) ***既然你已選定了酒店 ,這一點可以不理***

較新的 --- 利澳 , [ 澳門] 來回船票 + 酒店 + 早餐 + 接送 約 $550-$650 1 位

交通方便 --- 新麗華 [ 澳門] 來回船票 + 酒店 + 早餐 + 接送 約 $480-$600 1 位

經濟的 --- 格蘭 , 駿景, 君怡 [乙水 仔] 來回船票 + 酒店 + 早餐 + 接送 約 $420-$470 1 位

(住過澳門6間酒店的我強烈推介君怡 , 感覺舒適 , 早餐餐廳環境,氣氛很好 , 適合二人世界.

客房享用專用樓層 , 沒有這層樓房咭電梯不能到這層 , 不會太雜 , 面對馬場 和四面佛,

酒店附近就有一間很大 的超級市場 , 買野返酒店食很方便 , 有泳池 ,健身室 和賭場 ,

, 價錢又唔貴. ok架 , 不過賭場不大 , 賭還是到金沙較好.)

如想住豪一點可選擇永利 , 威尼斯人渡假村 , 威斯汀等, 不過真係幾貴

我住過金都 , 格蘭 , 新麗華 , 維景 , 利澳 , 威斯汀等

酒店+來回船 一齊 買 當然會 便宜一點

第一天

1. 先到威尼斯人渡假村遊玩---->
,
龍環葡韻住宅博物館 , 附近又有教堂 , 環境幽美 ,好靚 , 合拍照'很多人在這

裡拍婚紗照 ,是拍拖勝地 ,---->到酒店攞房 後到 乙水 仔官也街附近大利來食猪扒包 ,木糠布甸,


2. 搭巴士到路環黑沙海 灘 , 燒烤

3. 晚上可搭免費車到賭場 , 可參觀永利 ,金沙 ,新葡京,皇冠等

第二天

1. 酒店早餐後可參觀大三巴 , 澳門博物館 ,---->賽車博物館 ,紅酒博物館 ---->二龍侯公園

, 纜車, 國父紀念館 , 盧九公園 ,觀音堂---->新馬路噴水池 ,郵政局 附近行街食麵 , 甜品小食---->

媽閣廟 , 海事博物館 , 如須回港 ,可在附近買手信,

2. 尚有時間的話, 可到旅遊塔或金沙食自助餐

3. 漁人碼頭 ---->可步行到澳門碼頭坐船回港

以上行程大部分可以搭巴士 ,巴士站和車身都有詳盡路線表,

又平又方便 , 澳門人很友善及樂於助人 , 問路絕無困難


*影相好去處 --- 乙水 仔 住宅博物館 ,

議事亭前地市政廳內 ,

漁人碼頭

各大賭場晚上霓虹夜景

各大教堂

大三巴

聖母像

黑沙海灘

*食物方面 :

在乙水 仔 官也街落車 , 就有莫義記大菜糕 , 木糠布甸 , 好味道

隔離就有誠昌水蟹粥 , 不過都幾貴 ,

行過D就有木偶 ,小飛象等多間葡國餐廳 , 葡國雞 , 馬介休 , 自然少不了 ,

離官也街稍遠有一間不大起眼的房屋 , 所賣的鳥結糖很不錯 ,

再過D就係大利來記猪扒包 , 咖哩魚蛋 , 加埋維他奶 , 正.

跟住可以搭巴士返回澳門, 新馬路落車 , 在對面是典當博物館 ,

後面的新埗頭街頣德行食豆腐花 ,

在清平直街 ,福隆新街祥記食蝦子撈麵 .

附近李康記食魚翅 , 佛笑樓食咖哩蟹和焗猪扒飯 ,

在議事亭前地附近的營地街市 , 樓上熟食中心 ,

雖然平民化 , 但有很多野食 , 又平又好味

同樣在議事亭前地義順食雙皮奶 , 附近食大堂炸雞 ,

之後又可以去荷蘭園禮記食雪糕三文治 ,

再唔飽既話 , 可以去埋金沙食環球自助晚餐 , 計埋加一都唔駛$200 .

此外 , 漁人碼頭都有很多酒吧食肆的 , 環境和氣氛也不錯哩 !

*順帶一提 : 各賭場均有免費專車行駛碼頭至賭場 ,

有些 (如金沙) 更有來往關閘至賭場線 , 盡量利用可以省回不少車費.

由於賭場有代客寄存行李的服務 , 在退房後我會將行李放在賭場 ,

然後到處遊覽和買手信 , 玩完才返賭場領回行李,

跟住坐專車到碼頭返港 , 非常方便哩 !
**去威尼斯人渡假村不要著黑白橫間tee ,
因為渡假村內門僮和服務員都穿上黑白橫間衫,
除非你有意融入其中喇 !
祝旅途愉快
我15/9-16/9又去左lu