水草缸建立問題

✔ 最佳答案

樓上o個位老兄，唔好做到咁 cheap，成日貼街招賣廣告啦。
答問題：
１．黑泥的確都幾肥，開缸初起草唔多，缸插又未適應唔會生長，真係生藻o既危險期。所以一開始千萬唔好長時間開燈，由每日四個鐘起逐步加長，一星期後開到八至十個鐘。亦可以放ｄ快生o既浮性草如水芙蓉，浮萍，因為佢地直接又空氣吸 co2，生長快速，吸肥自然有效率。
２．你係唔買氣樽，定係連 diy co2 都唔搞先？
陽性草其實大多都要 co2 架啦。真係唔用，陰性草（水芹／莫絲／鐵皇冠／水榕）囉。水蘭類都有ｄ可以加，但最好都係有，會生得好ｄ。
又或者，買呢本書啦：http://www.books.com.tw/exep/prod/booksfile.php?item=0010327600。養得草，圖鑑真係唔少得。裏面逐種草講要求，相當好用。魚街都見到有得賣。