我ge煩惱,我有好多5開心,請大家help我.

你係咪覺得自己無野叻?發現自己好有問題,唔可以再係咁落去?

你想改變,但自己又諗唔通,好希望有人比答案你?

其實你識得係到發問都算踏出左第一步啦,你要堅持信念,唔可以比自己再懶再失敗落去呀

其實人人都有長處,你要自己好好諗下自己有咩比較叻

例如: 你記性好 / 畫公仔叻 / 打字快 / 玩電腦勁 / 文科 / 商科 / 數學 / 英文 / 賭 ......

你將來既方向,可能就係將自己既長處再提升

你平時有咩興趣?唔好答我無呀,你放假都唔會日日係屋企唔出街嫁,就算係屋企都有野做嫁

其實我唔識你,唔係你,無可能比到個答應你,只可以引導你去諗自己既優點

唔好講到自己睇唔起自己咁,人地問你野唔多唔少都出於關心,

雖然你未諗到自己要咩,但你要感激人地對你既關心,唔係人人都咁幸福有人問有人理嫁

如果人地笑你慢,你咪比心機做多d,做多幾次就熟手

天生你唔夠佢快,你就更加唔可以放棄,後生努力係最緊要,唔通你自己都想放棄自己?

你要記住,你仲好後生,如果你而家諗得通,都仲黎得切改變自己

有時間睇多d書,吸叫多d知識,自然分析能力好d,諗野都成熟d

我都唔叻,我細個都好似你咁,無咩興趣,朋友唱k...咩活動都唔岩,可能我比較靜

我又勁懶,做野又好慢,但大大下就發現要改變自己,我唔接受自己咁弱

睇多d唔同既書可以令自己個腦分析能力好d,而且咩唔叻都一定要英文叻

你要加油呀~ 我而家都叫有份幾好既工作,雖然性格都係唔好動,但日日都好開心,你都可以

咁咪由依家起訂下目標，諗下自己興趣係乜
諗諗自己對讀書有冇興趣，除非真係唔想讀，唔係的話最好繼續升學，澳門咁細，大把大學生，你起碼都要有學士學位才能與人競爭
再想想自己鐘意d乜，到升學時選科有幫助
你話你學校比較差，其實無話差唔差，只要你努力讀書，人地點睇你係一回事，跟住唔需理會他們，就算一間學校再差，內裏總會有精英，無需為自己既學校去介懷
你可以多d去社工中心幫下手，放學後打下波，或者學下野，再唔係溫習都得
多d同同學傾計，關心下別人
最緊要自己肯努力，樣樣都花時間去學，去做，自然就做得比別人好

知道自己咁多缺點都唔去改
仲要問人點help你
你係度自尋煩惱
既然你係百無
咪做一日和尚敲一經就算囉
等到自己識諗嘅時候再help你啦