請問知否那裡可找到龍梅版的西樓錯夢中的[錯夢]及[會玉]的曲譜?

✔ 最佳答案

以下嘅詞係當年任白唱嘅, 雖然唔係龍梅版, 但改動唔算大, 好多詞都一樣.
若你想要任白版的西樓錯夢曲詞, 你記得搵我

第二場：錯夢
叔夜在畫屏前之橫幾上倚枕而睡介）
（排子頭一句作上句開幕）（打初更，風雨聲介）
（叔夜被更聲驚醒朦朧中白）素徽，素徽，（定一定神嘆息介）唉！忽被更聲敲破夢，祗見一床書巷一簾花…（長二王下句）一床書卷一簾花，竹影搖窗驚雨灑，床頭三分病，桌上半甌茶，病是西樓新染下，茶是丹丸藥石拌神砂，說甚麼斜陽共蕩韆鞦架，說甚麼一分明月兩泛仙槎。勘不破月陣花魔，囚不住心猿意馬。（一才坐下喃喃自語，書空咄咄介）
文豹：（以米盤捧藥一碗食住譜子上低叫白）相公呀，飲咗碗藥先啦。
叔夜：（白）飲藥，哎，食藥就贃口苦啫，食極我都唔會醫得呢個病好嘅嘞。
文豹：（白）呀，唔系咁講喇，相公，老爺話你歸來之後，喃喃自語，咄咄書空，恐怕你著了邪魔，色迷心竅咁話，所以請個名醫包必濟連下兩方、為你驅魔除妖呀。
叔夜：（白）唉，拎開啦。（花下句）靈丹都難解我心頭病，我魂在西樓穆女家。誰開金鎖啟玉門，便是如來將身化。
文豹：（搖頭嘻嘻笑白）唉吔，相公呀，相公呀，相公，奴才真系擔當不起，你咁樣做法即系叫我死架啫，如果相公你唔飲呀，亞老爺又入嚟架咋相公。
叔夜：（急白）我怕咗你喇，飲就飲啦，唔好成日搵老爺嗰兩個字嚟壓我喇，
文豹：（白）我唔講喇。
張千：（細聲白）亞小哥，今有西樓穆姑娘托我帶來書信一封，說道要面交公子，敢煩小哥你暗裏通傳，可知此書值萬金，非同玩耍架。
叔夜：（聞人聲隔門偷聽介）
叔夜：（白）呢位老人家，我聽聞話有書交俾于叔夜系嗎？
張千：（白）你就系于公子？
叔夜：（白）冇錯、冇錯。
張千：（白）系呀，系呀，姑娘吩咐聽候回音喎。
叔夜：（搶信白）咁唔該曬你呀嚇。
雪賓：（食住此介口什邊內場叫白）叔夜，叔夜。
文豹：（大驚失色白）叫…叫喇，老爺。
叔夜：（一才紮覺白）唔好嘈，老人家，因為我家訓森嚴，現在我不及看書，你返去回覆素徽，你話我依書行事呀，你話佢信內點樣話，我就點樣做架喇，唔該你返去回覆佢啦。
張千：（白）亞公子呀公子，姑娘臨行吩咐，要討回公子信物、方纔信我。
叔夜：（白）咁信物，你等一等，等一等，我有玉燕一隻，你交俾素徽，你話就系訂情嘅信物，嗱，重有黃金一兩，作為酬勞，唔該你，記得話俾佢知，叫佢唔駛擔心呀，我依書行事呀，佢講乜嘢，我就點樣做，（叔夜無可奈何拈金塞與文豹白）哎吔我怕咗你喇，成日好似冤鬼咁！哎，快啲躝啦！
雪賓：（食住此介口什邊底景上了一才白）唔叔夜，你行開嚟。
叔夜：（連隨將書夾於線裝書回身應白）哦…哦。
雪賓：（一才喝白）亞叔夜，（口古）為父者雖有愛子姑息之心，奈何祖訓呀，佢都並無寬容之處噃，按祖訓嘅遺章，娼妓者例不能踏入我於門，（一才）你有明知故犯都非兒孫也。
叔夜：（急白）亞爹，你此言差矣喇（介）（口古）文士落拓於街頭，未毀其志者，可稱完人，青樓女子，未毀其貞節者，可稱原璧，文士尚可以登科取仕，女子焉能不嫁入良家呢又？
雪賓：（重一才語結老差成怒介白）哎喲，叔夜（花下句）此後重門都永隔章台夢，你當知道，仗義當無古押衙，我深於閱歷教兒曹，八句箴言兒記下。（白）叔夜，我有八句箴言，宣讀出來之後呀，我要你跪在庭階，你要重新朗誦，好待你呀刻骨鉻心，都不作非非之想。
叔夜：（連隨跪下白）孩兒願聆教訓。
雪賓：（一才白）聽住嚟，（乙反木魚）鏡花水月就千般假。千古薄情都是野花。千金買笑招閒話。一任風搖蕊破蝶蜂侵花月芽。琵琶門巷口多車馬。自非生張熟魏區區三兩家。今朝接客談婚嫁。明日重來不奉茶。（白）記得嗎？
叔夜：（介白）亞爹，（一口氣）呢八句箴言系老生常言呀，我以為…名過其實羅，我想……
雪賓：（喝白）你以為乜嘢？
叔夜：（介白）名過其實羅，我想……
雪賓：（喝白）跪晌處，嗱，今生亞穆素徽呀，若有踏入我於門，哼哼，父子黃泉都恐無重見之期，你要重頭念起。快啲念，念！
叔夜：（跪下白）哦，（乙反木魚）鏡花水月全虛假，千古薄情是野花，千金買笑招閒話，一任風搖蕊破蝶蜂侵花月芽，琵琶巷口多車馬，自非生熟張魏區區三兩家，今朝接客談婚嫁，明日重來不奉茶。
雪賓：（歎息白）唉！系羅，
叔夜：（白）唉，記死人，亞爹！
雪賓：（白）分明多事，起身！唉！所謂教兒勞心力，蒼霜兩鬢加。
叔夜：（白）亞爹，早啲抖！好聲呀。
雪賓：（白）有分數，唔駛你咁好心！

叔夜：（瘋狂撲埋拈信台口白）噓！正系渴病逢甘露，還魂一紙書，唔駛講都系寫生死之句架咯。素徽、素徽！等我把來書拆讀，以慰相思之苦至得，乜信內軟軟如棉，如蘭如麝呀嚇，哦，信內有香雲一股，素徽！你真系愛我情深極矣咯，哎喲，點解呢？拆開封信得一張信箋喺度，一個字都冇寫落去嘿？呀？點解呢嚇？點解白紙一張，隻字都全無嘿嚇？（反線中板一句）敢是未解作情書，敢是難寫蠅頭之字，白茫茫不見妙筆簪花，（自言自語白）呀，想下又唔會架，素徽佢才壓班姬，記得在花箋之上寫我楚江情一首，唔會咁快就忘書廢字格！佢唔系唔會寫字格，點解呢你話？吖！無理由系咁格，點解呢你話？（續唱）呀，莫非老蒼頭，佢冒替嫩花魁，騙去我黃金有價。（白）唔會架，就算個老蒼頭想呃我嘅錢，又唔會，你睇下，呢個信封墨蹟猶鮮，明明系出自素徽手筆呀，吖，點解呢你話？素徽實在你做乜嘢架？素徽！你咁樣俾張白紙我！點解呢？吖，你真系想死人喇！點解呢？呀！（續唱）莫不是倩女苦相思，佢執筆忘舐墨，佢記得舐墨筆又倒拿。（白）又唔會架噃，呀，就算佢心情彷佛，至多是就詞不達意，書不成章嘅啫，唔會話一個字都冇架，真系點解呢！你話點解呢，哎！死喇！急死我喇真系，素徽呀，點解你咁論盡架，俾張白紙我做乜嘢得架？（續唱）莫非孫汝權，套取假情書，佢暗裏牽驢換馬啩。（白）呀，又唔會架，若果被人換咗封信，又唔會成封信原封不動咯，而且重有香雲一縷添，若果換就換曬去啦。唉，你話做乜呢？素徽，你話做乜呢？你真系激死我！想到我心都亂曬喇！真系急死人架，真系！素徽（續唱）急得我淚如新雨灑桃花。猜詩難求生杜賈。猜謎憐我欠才華。莫不是素徽厭我被嚴親罵。佢故將白紙斷情芽。（花）呀，系羅系羅，梗系空書回絕我呢個癡心人，猜得我懨懨欲睡銀屏下。

叔夜：（唱小曲巫山一段雲）郎腰病瘦欠消灑，衝破霧與霞，漸覺花燈照綠瓦，尋玉人別禁衙，(白）好一座琉璃景界呀 (續唱）驚見花蔭柳下，映出玉女家，敲破玉門、訴盡情切話，小姑既一心待嫁，休要被囚誤愛芽。(白）重來相思地，待我叩門環。
銀簧：（白）風風月月夜，花魁將客謝，不論是舊愛新歡，談花債一律免賒免借。
叔夜：（白）哎呀，唔通你唔認得我呀? 我就系于叔夜相公呀，同你地小姐定三生之約，系你親眼見架嘛，啊！你咁快就唔記得我羅? 勞煩你通報你話于叔夜相公來拜訪咁話啦。
銀簧：（白）少待了。
銀簧：（白）繡戶傳嬌語，于郎枉歎嗟，我家小姐從來都未認識于叔夜喎。
叔夜：（白）哎喲！唔識得我呀? 真定假架? (續唱）莫非素徽佢病阻蓮駕，相思玉體差，莫非梳妝怕青絲髻亂待插花，抑或怕風起，禦泠雨披絳紗，郎是有意尋她再商婚嫁，喜蔔燈花，失報當心被穆娘罵，俾你買朵花，不須怕，霧夜禮物寡，拈去換銀罷，揖拜小冤家。(白）香嬛姐，呀! 我唔理你識我又好，唔識我又好啦，你俾我上西樓，借杯清茶黎飲下都得卦。
銀簧：（白）欠奉呀！
叔夜：（白）欠奉呀? 哎也! 唔通真系今朝接客談婚嫁。
銀簧：（白）有例是明日重來不俸茶！
叔夜：（白）素徽...素徽...
素徽：（接唱）驟見亂絮搖冷月，倒影妝閣下，幾多煙花債，我如何還盡也，今朝送客相挽共話，他朝接客，莫再思他，朝歡暮樂恁風搖蕊破、蝶蜂侵花月芽，偷簪鬢上花、偷抹鉛華，驀見書生好色，被夜雨打，啐歸去吧，歸去也，謝客牌牒已高掛，花遭蝶困添身價。
叔夜：（接唱）問你何以舊約盡忘，被棄簷下，她非往日她，冷熱隔一晚便以三秋化成夏，慘炙牡丹芽，枉為姐姐相思失去風流儒雅。(加小序）素徽素徽，點解你忘情若此呢?
素徽：（白）啋！青樓有什麼情情愛愛? (接唱）在章台蝶戀花香爭相叫嘩，並非生張孰魏區區三兩家，重來舊客、未有花箋記情話。
叔夜：（接唱）狂叫穆素徽、盼能把舊約新恩向薄裏查。(過序）素徽素徽，你快下西樓，與我兩相對質，否則我撞死樓前，死難閉目呀素徽！
素徽：（作狀白）如此請小待。
叔夜：（白）素徽...
素徽：（冷然白）哪！呢位相公，你幾時黎過架?
叔夜：（白）哎喲，死羅，我今早至黎過，你對我講到我有三生留詩，兩載神交呢。
素徽：（白）此乃是青樓慣語，難於記取架！
叔夜：（接唱）今日你病起梳漱罷，窺書生弄絳紗，聽到花箋載豔曲，花容漸詫，抱病留客閨閣下。
素徽：（接唱）哦原來是投送花箋客，唓！一紙花箋又有什淵源? 直得兩相對質啫?
叔夜：（接唱）為郎度楚江情，曾共我同盟婚嫁。
素徽：（接唱）受禮荼是勾欄中笑話，你若要娶花魁，萬貫難論價，你要娶妻應自向花間選抱琵琶。(招手叫眾姬下樓）
叔夜：（叫白）哎呀，素徽，素徽，素徽...
叔夜：（續唱）一諾千金書中有話。
素徽：（笑唱）你仍未化，真書呆也。
叔夜：（接唱）簷前定約話非我莫嫁。

請問知否那裡可找到龍梅版的西樓錯夢中的[錯夢]及[會玉]的曲譜?

回答 (2)