電腦百痴請人幫.............thx

其實咁講啦：

首先，你個 D: 係咪硬碟 (Harddisk)？係嘅話就可以直接由 C: Copy & Paste 落去 D: 或者倒返轉都得，簡單啲嘅方法係先開個〔檔案總管〕，再入去 C: 度搵出你想複製落去 D: 嘅檔案／資料夾，然後用鼠標指住哩個要 Copy 嘅檔案／資料夾，按實個左制唔好放手（用開右制咪按右制），一路拉個檔案／資料夾去到 D: 下面你想存放嘅位置，指定咗之後放開左制，咁啲檔案／個資料夾就會開始複制過去 D: 度；如果你直頭想搬過去 D: 而唔想再留個檔案響 C:，咁咪喺你拉老鼠仔嘅同時，一隻手按實 制，咁你會見到鼠標上面原本有個 + 嘅會唔見咗，哩個即係代表你要進行搬動資料，咁當啲檔案過哂 D: 之後，C: 入面就唔會再有哩堆檔案。方便？

如果你指嘅 D: 係光碟盤，咁就要睇吓你個光碟盤係咪可以燒錄碟嘅光碟盤囉，如只係 CD/Rom 咁當然燒唔到碟啦～如係 CD/RW 咪淨係可以燒大約 700Mb 左右一隻嘅資料光碟，如係 DVD/RW 就可以燒大約 4Gb 左右一隻嘅資料光碟。
而燒資料光碟首先當然係要有可燒錄未用過嘅空白光碟啦，放咗入光碟機之後就可以用軟件進行燒錄程序，通常會跟一隻燒錄軟件，跟住佢教咁就可以方便地選取相關檔案進行燒錄囉。

2007-09-17 11:26:25 補充：
補充返上面其中一句出唔到但係好重要嘅字：「．．．唔想再留個檔案響 C:，咁咪喺你拉老鼠仔嘅同時，一隻手按實＜Shift＞制．．．」

可以....
但係如果係d係統file(WINDOWS)就唔得

2007-09-16 17:25:01 補充：
可以....但係如果係d系統file(WINDOWS)就唔得

要睇下你d係咩囉, 如果係cd-rom/dvd-rom就唔得, cd-writer/dvd-writer就冇問題

可以.冇問題~