東京自由行四日三夜－住池袋太陽城太子酒店，想去築地、台場、三鷹、川越等

我去日本都係住太子酒店多,希望可以幫到您^^
1)Limousine bus係直接停酒店門口咖.時間如果冇塞車既太約1-2個鐘
我有朋友因為落機第1站要去上野試過搭鐵路.其實時間都係差唔多.價錢仲可能會平D.
不過問題就係要自己搬行李.因為由池袋站到酒店都要1段路程咖!
但如果您行李唔重搭鐵路都係一個慳錢之選.
(PS:見您行程最後一日去上野.但覺得時間好似唔太夠..
到時可能有機會要取捨..所以都俾埋呢個提議您..
其實您可以搭Skyliner或者京成本線到上野.然後行李可以開LOCKER放低,
行完上野先番酒店CHECK-IN.但係變相您就要放棄去Namco Namja Town)

2)其實我見您行程都幾緊密,所以好多時每個地方都唔可以逗留太耐..
(如果一大班人去既話有D地方最好分開行)
其實第1日您1330落機.加上入境拎行李等車搭車.
最早都要4/5點先到酒店CHECK-IN
所以Namco Namja Town唔可以行太耐..因為我驚您係雪糕PUFF餃子館食野會長時間..
同埋酒店有條通道可以直到SUNSHINE CITY...
出LIFT個時反LOBBY方面轉.再直行轉右就係
第2日呢您去三鷹應該係去宮崎駿博物館嗎!?
雖然您應該已經買左飛.不過都提提您現場係冇飛買咖,
同埋有時可能個日已經FULL晒,所以飛要一早買左先.
然後原宿您應該係行表參道->裡原宿->竹下通甘行.要預多少少時間..

3)池袋站係有東武東上線急行去到川越,
因為川越同台場係一東一西..所以搭車都起碼要1-2個鐘
不過最快既方法係由川越搭番東武東上線急行到池袋
,轉JR山手線(上野,東京方面)到新橋,再轉ゆりかもめ線到台場.
台場去秋葉源就要搭ゆりかもめ線去番新橋,再轉JR山手線(東京,上野方面)到秋葉源.

4)去築地既話建議您係築地市場站落因為市場係個邊,要排隊既新鮮壽司店都係個邊.
(PS:最好可以CHECK定個1日會唔會係市場休息日,因為我今年7月去個時岩岩係.
市場裡面既店都冇開.只係得番外圍既幾間舖頭,又冷清又唔太新鮮)
搭車方面由池袋搭JR山手線(新宿方向)到代々木轉都営大江戸線到築地市場
走時係築地市場站搭都営大江戸線到蔵前再轉都営浅草線到淺草.
淺草去上野只係需要搭東京メトロ銀座線最後上野番池袋搭JR山手線就得

5)其實1830機既話下晝2點幾就要出發,因為CHECK-IN最好係起飛2個鐘前,
然後入閘都仲有大把地方買手信做最後衝刺.噢仲有,如果需要搭Limousine bus去機場只需要前一日係酒店LOBBY買飛就得.

1. narita express最方便...有某d班次會直達池袋...又唔駛將行李拎上拎落...時間亦最易預...不過最貴...不過建議你可以買一個package...narita express+suica....3500日元...suica即係香港既八達通...呢個package包一程narita express (去咩野站都得)+suica2000日元(500按金..即係有1500)...咁你就可以用1500日元坐narita express 由成田直去池袋...又舒服又快............................
另外最好唔好坐skyline...拎住喼轉車好辛苦...寧願坐巴士...慢d

2. day1行程比較趕...check in settle down都已經好晏...建議唔好去新宿....day 2就冇咩問題

3. 川越同台場距離好遠...建議只可二選一...跟住加埋新宿同秋葉原...

4. 池袋要坐山手線到代化木轉都営大江戸線到築地市場，再轉都営淺草線去淺草...不過呢日太趕...徐非你6點出發去築地...如果唔係你係築地排完食埋...都差唔多中午...去唔哂淺草同上野...你再取捨一下...

5. 18:30...早兩小時...16:30...咁你大概要2點幾左右要離開...視乎你坐咩野去成田...