信用卡找卡數一問

係呀,如果簽咭既話,只要碌完咭跟住簽個名就得架啦,所以點解你一唔見咭要即克cut,因為

所有人執到你張咭都可以碌,雖然話要對簽名,但其實你買野果時唔會好認真咁對簽名,最多

都係望一下就算,另外個密碼係比你係atm機禁錢出黎用,即係透支咁解,每次係信用咭透支

要數取3%或$50手續費但每間銀行收費唔用,你要睇返d條款,以最高者為準,即係如果你透

支$100,就會收取$50手續費,如果透支$3000,收取(3000x3%) $90手續費,仲有透支利息高過

簽賬利息好多,建議你都係dum左個密碼,千其唔好透支,好多銀行都可以係atm找數,但係你

要有相關銀行既存款戶口,其他銀行即戶口我就唔清楚,不過你可以用pps,電話交錢,好方便

打個電話就得,唔收手續費,你去ok登記就用得架啦,有唔明可以上pps個網址睇下

我當年就係乜都唔識,結果比信用咭收左我成千蚊手續費同埋比左幾千蚊息,所以你都要小

心d,咭數一定要即克清,信用咭年息少極都要2-30%,好拿利架,同埋好易會用突左,我而家仲

未清晒d咭數呀~~真係嗚呼哀哉

2007-09-16 21:45:32 補充：
係呀,佢會每個月寄封月結單俾你,會列清楚你係邊間鋪碌左幾多錢,會列明截數日,如果你條數係截數日之後碌既,咁就會係下一期帳單見到,仲有會列埋最低還款額,同埋你張單的總額,你記住要還清晒d數.如果你淨係還最低還款額,剩餘d數會計利息,而利息會係你碌咭果日計,而唔係係你deadline果日計,當然都會列明幾時deadline,如果遲左還除左要計息,仲要收你手續費,好似要$100架,所以有d人唔夠錢還咭數就會還最低還款額,咁就唔駛比人罰手續費,但利息照計

無錯, 你係外面消費就咁俾張咭間店舖look, 跟住簽名就得, 記住keep返張信用咭簽帳receipt起碼2個月, 有咩事都可以追究返. 跟咭一齊寄俾你既卡密碼係俾你係提款機用作log-in時既密碼, 如果你唔係想經信用咭吐現現金既話就唔洗點理佢, 只需好好kepp住就得.
其實免手續費找咭數有好多方法, 除左atm外, 亦可用e-banking同pps, 我本人既咭數就全部經網上pps找, 因為貪佢方便, 又可以足不出戶, 仲可以預早一個月或以上set定找咭數日期(pps除左找咭數, 仲可以找其他既數如電話費, 認講指定新股等, 你都快d申請返個啦, 致於點申請同係邊到申請, 你可到http://www.pps.com.hk自己睇睇). 還有, 就算你本身無所擁有的信用卡間銀行既戶口, 亦都可以用pps找數, 真係好方便.
仲有一點, 信用咭除左可以係作消費用, 仲可以免息找其他信用卡的卡數架, 方法如下:
其實要用得其法(卡找卡數而不需要任何手續費)係有方法的, 但一定要係銀行的網上e-banking做, 如果想用盡找咭數既免息還款期, 手頭上最緊要必備有2張信用咭 - 恆生及中銀, 找咭數的方法如下:
假設你以HSBC卡簽卡數(其他可找既卡數則要你到相關銀行網頁睇睇) → 可以恆生卡找(本身無需簽帳便可免手續費找卡數) → BOC卡找數(附帶條件要每月至少簽一次卡, 金額無限, SET每月自動轉帳既服務都得, 便可免手續費)
除了恆生的信用卡可找HSBC的信用卡外, 還可找渣打銀行, 美國銀行等, 中銀的信用卡亦可找星展, 大新等銀行. 詳情可到恆生及中銀網頁上搵搵, 另外詳細的找卡數方法可參閱以下呢位朋友的blog(卡找卡方法我都係係佢到學回來的):
http://hk.myblog.yah oo.com/coxa_2006/art icle?mid=1&fid=5
以上資訊, 希望幫到你啦
圖片參考：http://hk.yimg.com/i/icon/16/3.gif
~