我交友真係失敗啊

直到升上中2　我鍾意左個人　我第1次鍾意人鍾意成咁架咋
因為今次唔似以前咁得我單方面暗戀　咩事都無發生
今次我會成日同呢個人傾計　去佢屋企玩　發展得唔錯的

點知朋友Ｂ佢唔保守秘密　佢係第１個知道我鍾意邊個
但係佢成日拎我同果個男仔既曖昧關係講笑
周圍同其他人講　我老公仔係就係出面打梗波果個
之後搞到全級一半人都知道依件事了　仲成日笑我陳太前陳太後
慢慢搞到我都唔敢同我鍾意果個人玩　因為真係好菸

但最估唔到我既好朋友阿Ａ　有一日無啦啦話要同我爭
其實佢一早知我鍾意呢個男仔好耐了　而且佢自己都有和第2個男仔關係好好
不明白點解佢仲要鍾意多１個男仔　仲要係同自己朋友爭
佢甚至慢慢放棄第佢原本鍾意果個男仔呢　係都要同我爭

自從咁樣之後　　我同朋友Ａ關係開始冷淡了　甚至成日嘈交
我真係愈睇佢愈唔順眼　而佢又慢慢同個男仔關係好好
我真係好唔開心　1方面唔開心既就係我唔夠人爭　第2方面就係我無埋呢個好朋友

點解我會咁失敗呢？
我依家想同朋友A FD 番　唔知有咩方法呢?
我用左8個月先忘記到個男仔　所以我依家都無咁憎朋友A了