我老公識左個後生女

單憑你所講既，我唔覺得佢地真係有野，除非你老公因為有呢個女仔既出現而冷落左你啦。

第一，佢地有公事上既往來，請個女仔食飯可能只係為左多謝佢既幫手。

第二，要睇下佢地閒談Ｄ乜野，如果只係Ｄ無聊野，咪由佢囉。如果講到Ｄ敏感野，咁就要留意下喇。

仲有，點解你可以睇到你老公個e-mail呢？如果被佢知道左你睇佢既e-mail，佢又會點諗？男人最唔鍾意人地搞佢地Ｄ野，雖然你係佢老婆，但係大家都要保持私人空間呀！

你地之間如果冇乜事發生，就唔需要特別為左呢件事而大費周章喇，因為到時佢覺得你煩，走去搵個女仔訴苦，咁你話係咪仲衰呢？

或者你可以提議下同你老公去下旅行，散散心，順便俾返Ｄ私人時間你地兩公婆自己相處下囉。就算佢請唔到假去長線，澳門大陸幾日短線都好呀。

唔好諗咁多喇，慢慢再睇下點先算啦。

依家暫時應該都係朋友關係

係咪有嘢好難講，好視乎你老公係咩人。(例如﹕健唔健談、有冇好多女仔朋友之類。)
我男友都有好多紅顏知己，成日同唔同女仔email聯絡，Msn傾計，單獨去街食飯，而且我都知佢同d女仔好Friend，係會傾心事果種。我有冇生氣有冇懷疑過?當然有啦﹗其中一個紅顏知己仲要係佢以前鍾意過(大家都有feel,但timing唔o岩)嘅女仔，都係兩三日一封email。不過日子耐左，我相信佢只係性格方面比較受女仔歡迎(我男友都幾外向幽默，思想亦比較成熟)，份人都唔似會"沙沙滚"，加上對我都ok，慢慢都接受左，其他方面盯緊d囉，冇可能限住佢唔比同異性朋友往來的嘛﹗不過我會要求佢介紹d女仔我識，知道佢同咩人一齊安全感多好多。如果你有機會，嘗試識下佢d朋友，多d一齊出來玩/食飯，一來係"宣泄主權"話俾佢身邊d小蝴蝶知that's your man;二來可將佢d friends拉埋同自己同一陣線，有咩事都多個人幫忙呀嘛，可以叫佢地一起幫手在你不在旁時(如上班時)"觀察"情況。
再講你如果可以同個女仔做到friend就更好(唔係攻於心計，而係叫你坦誠同佢交個朋友)，因為如果佢做左你個friend(真朋友)，佢會考慮到你感受，亂來前都會有所顧忌。
如果你同佢地相處得耐，有唔對勁或者仲係唔安樂，就不妨拿出來平心靜氣同你老公傾(切忌用質問方式)，好過自己亂諗，做事堂堂正正，唔好再只在背後check佢喇，否則佢發現你唔信佢可能會仲大鑊。我同男友一齊都五年喇，都係要彼此坦白囉。

個個case唔同，你嘅憂慮我都好明白，因為一男一女咁close好似都唔係幾尋常。不過通常一個人變心，最容易從佢平日行為態度睇得出來。除非佢真係情場高手，又或者平日你倆都冇咩溝通，否則你好易會feel到佢對你有分別，例如話少左計傾，對你冷淡左，冇以前咁緊張你，少左身體接觸等等。
我睇過呢篇文章，或者對你都有多少幫助，希望真係幫到你而唔係害到你繼續疑神疑鬼啦。(以下也不是一竹高打沉一船人的。)

好丈夫的表現都差不多，但背叛卻各有千秋，當一個男人開始背叛的時候，他的言行舉止裏總會露出一些蛛絲馬跡。

苗頭一) 金蟬脫殼：
他近來總說要加班或者出差，在家的時候越來越少。雖然並不是所有的“工作狂”都代表感情出軌，但有些男人會在下決心出軌之前，漸漸從正常的家庭生活中消失。 這時，妻子最好婉轉地和丈夫聊聊他的工作，或從側面瞭解一下他的真實工作情況，但最好給他留有餘地，下要正面挑衅。

苗頭二) 表示不滿：
他開始挑剔你的服裝品味、挑剔你的飯菜、挑剔你的言行。總之，他會毫無理由地挑剔你的一切。而當你向他訴說工作的辛苦時，他卻總是敷衍你，例如建議你去看心理醫生等等。 這時，他可能是希望你做得更好，但也可能是他在給自己出軌找藉口。妻子最好弄清他的真實想法，針對他提出的問題有則改之，無則加勉，讓自己更完美、更清醒，看他下一步要怎樣做。

苗頭三) 渴望受重視：
丈夫開始抱怨不得不和孩子爭寵，覺得妻子陪他的時間比孩子少，時常受到冷落。很多妻子生育後會把關注點放在孩子上，這很可能導致男性在其他人身上尋求重視，在不知不覺中出軌。 這時，你最好的方法是嘗試與丈夫深談一次，告訴他現在孩子更需要照顧，但你對他的愛並沒有減少。

苗頭四) 無話可說：
拒絕交談，甚至連目光都不會落在你身上。許多男人在婚後漸漸失去了同妻子聊天的興趣，常常強調“我已經成長了，而你卻沒有”，並以此為理由拒絕進一步對話。 妻子此時要率先打破沉默，與他對話。你要保持冷靜，並鼓勵他多提意見，幫你成長。

其實，會唔會你諗多昨呢？有異性朋友都好正常，閒談亦都好正常，你控制唔到佢身邊冇異性，唯有，你可以控制的只有你自己老公，例如，可多d關心佢呀，公司忙緊咩呀？
多d約佢去下街，唔好給機會給佢得閑呀，諸如此類........
現在這個階段，你最好當冇事發生，然後慢慢搶回佢的心，等佢地冇機會！
千萬不可將事擴大來搞，到時，冇都變成有就唔好啦！
你明應點做啦！多謝分享
good luck！

邊有猫吾食鱼

我認為佢地係真心相愛,但係唔可以同你講,可能唔想傷害到你,你應該多關心佢,做d你同佢既開心回憶,最後既係,唔好比個女仔有機會。

同埋佢地一齊食飯囉!
圖片參考：http://hk.yimg.com/i/icon/16/1.gif

咁你就要小心你老公啦，因為後生女都有　引　嫁