男人喜歡女人化妝嗎？？？

男人喜歡女仔漂亮是百分百的事實。於是你問不化妝是否等於不漂亮？那我反問你一句，化了妝是否就等於漂亮？

如果一個女人有職業化妝師為她化妝，我認為可以令一個女人漂亮的程度增加20%。即是一個外貌有80分的女仔，化了一個很高水準的妝後，樣貌可以有96分，接近完美了。但就算她不化妝，仍然有80分。相反一個外貌40分的女人，就算加了20%，仍然不合格。實際例子：我相信梁詠琪不化妝時，仍比有專人為她化妝的at17某位成員靚幾十倍。

因此靚女及醜女化不化妝對吸引異性影響不大，真正比較有影響的是那些樣貌中等，介乎合格與不合格或合格多少少的女人，化了妝後才會對吸引異性方面有較明顯幫助。

但問題是就算有幫助，其幫助到底有多大。

我是男人，我很清楚男人的心態。

1. 外貌中等的女人的確可以靠化妝增加自己的吸引力，但男人很憧得品評女性，當他對一個女人有興趣時，他一定會推搞眼前這個女人不化妝時，外貌會跌wat多少(男人有這種天生的準確品評能力)，如果一不化妝便會變成不合格，男人一樣會冇興趣。

2. 就算你一直靠化妝去吸引異性，當你真係同人拍拖，你一定會有以真面目示人的時候，那時一切也無所頓形。

3. 你可能會說，當用真面示人時，可能已和心儀男仕相識較深，那時可以借助性格的內在美去減低不化妝的影響。但一個女人在非工作需要(而且要是必需)時仍經常化妝，就會給人很注重外表的感覺，而一個很注重外表的女人，會很容易令男人聯想到一個男人很害怕的形容詞→貪慕虛榮，當你未表現你的內在美前，已先在心儀的男仕面前表現「內在不美」了。

有時男人的心態女人是很難明白的，你拿一部令你充滿自信的新款手機，男人可能覺得你貪慕虛榮；你拿一部又殘又舊款的手機，男人可能覺得你節檢，清純，對你另眼相看，甚至因此想追你。所以化不化妝的問題，如在吸引男性方面，我相信準則應該是：如工作有需要，便化。就算工作不需要你化得太靚、太濃，你亦可化到明星咁，男人不會覺得有問題。但如非工作需要，就自然啲，完全不用化妝

我覺得個個男人既睇法都唔同 ..
好似我之前個男朋友咁 ..唔中意我化妝 ..
最大問題係佢每次同我面貼面既時候都食晒粉 ..!!
我覺得唔需要靠化妝既女人比要靠化妝泥幫補既女人更吸引!!
其實呢個問題我都問過好多男性朋友..
佢地都係唔中意女朋友化妝 ..尤其係濃妝 ..
起初化妝只係為掩飾面上既缺點同特出輪廓 ..
但唔知點解依家就比人濫用?

你係靚既 ..使咩靠化妝?

這當然啦!
除非你天生麗質,否則化粧能夠修拭自已嘅缺點,突出自己優點!從而令自己更有自信!有自信嘅女人,當然容易吸引異性!
其實化粧係一種禮貌,如果你去過日本的話,你會發現連掃地阿婆都化粧!
其實淡粧就最令人看得舒服,大部份男人都喜歡女人淡粧!即係薄薄粉底,遮霞,畫眉,胭脂,唇彩,一修幼眼線!
而濃粧較適合夜晚(蒲)嘅場合,但要有一定嘅化粧技巧才試,否則弄巧返拙!

男人當然最喜歡天生麗質的女人，要出街或見朋友只要略拖脂粉就靚絕全場，男人特別自豪。其次係本身一般但又懂得打扮的女人，唔落妝都'握'得吓人；最差係本身唔係樣子標緻，又唔肯打扮去改善的女人，睇怕要長久相處後令男人欣賞女人的優良性格人品先會喜歡上佢。

化妝既女人總比冇化妝既女人有吸引力多 D 既(事實如此) , 人總係鐘意睇靚既野 , 問心丫如果你係男人你都鐘意睇靚女架啦 , 就算係女仔都鐘意睇靚仔架 , 如果唔係又點會有咁多女仔鐘意碧咸.F4.阿RAIN丫 ???? 咪又係因為人地靚仔 !!!!
唔化妝唔係代表唔靚只係唔化妝既女人同有化妝既女人比會差左 D 囉 , 更係唔係叫你搵黃夏*去比啦 , 她化唔化都一樣似隻女鬼 .... (好驚) ; 總之唔化妝既女仔一定要好有本錢如果唔係就一係她唔鐘意化妝喇.... 你諗諗係咪 ???
不過我個心認為如果年齡唔超過三十既根本化唔化都得 , 因為年輕麻 .....有本錢

我就覺得男人有D喜歡女人化妝,有D不喜歡女人化妝!我就覺得唔化妝好D!因為唔化妝先係真正的你!