design logo(請問有冇professional designer 話我知點先係一個好 logo)

好難定義一個logo點為之好，唔一定要有公司名，可以係logo旁加上公司名，
只要logo夠突出，以後客人見到logo就會諗起間公司。
logo design基本上應該符合幾點，
1.能突出公司形象。
2.令客人容易辨識、留下深刻印象。
3.盡量簡單，但要有含意，更好的是有雙重含意。

有幾點我覺得designer都應該注意，但我發覺好多designer都忽略左，
1.最好考慮埋個logo大多數會用係咩地方，可能design左一個好靚既3D logo，
但間公司用黎印係餐紙上面既，成本會變得太貴，做招牌時為左要突出logo效果，
成本亦可能會大增。

2.太複雜既logo如果印係一d product上面，未必能夠做到，例如大部份既絲印就
做唔出太detail既效果，就算logo幾靚都好，人地印唔到出黎就等於無用。

我就覺得logo最好簡單得黎有含意，咁就最襟睇，太複雜既，個人黎講就唔太鐘意。